Mithianghlim Francis cu Cathianghlim par ah a rin um vekin Leitlunpi kha a tha zet mi cauk pakhat tin hmu dingah a rak sawm. Cui cauk ah Pathian cu kan mah pawl thawn kan bia aw ih cumi ihsin tah a theih lo mi Pathian ih mawi nak le that nak kha rei lo te cu biak dingah in sawm thu a rak sim asi.

Minung pawl cu a mawi zet mi sersiam mi rannung pawl thu kan ruah tikah Sersiam tu Pathiah ih thu kha kan thei asi. (Sirah13: 5)

Pathian cu leitlun pumpi asersiam caan ihsin thok in sersiam nak hnatuan thawn Pathian cu a mai thawm huham tum nak le Pathian asi thu kha  alang asi.(Rom 1: 20)

Curuangah Francis cu a mai um nak yatih tlawng sung ih a um mi hmuan ih lei lawng nak ah zianghman cing lo dingin a sim. Cui leilawng nak par ah thingkung le ramlak par pawl an tto dingih cu mi a hmu tu pawl cu cu mi kung pawl ih an mawi nak kha zoh in mawi nak a sersiam tu Pathian an theih thei nak ding ruahnak in asi.

Leitlunpi cu rem a tul mi harsat nak pawl silo in lungawi zet in mangbangza thil pawl kha ruat  phah ih thangthat ih nuam ten um ding in asi.

Laudato Si’ no. 12