Pope in May 7, 2026 ah American State Secretary Marco Rubio thawn tonnak nei ding. (April 4, 2026)
Pope Leo XIV in May 7 niah Vatican ih Apostolate Palace ah America ram ih State Secretary a si mi Marco Rubio cohlang in tonnak a nei ding. A mah cu kan dung kum Pope Leo ih Pope a can pek hrawngah Missa raithawinak theh ah veikhat an rak tongaw zo.
Pope Leo XIV in Thlawngkai nili ni May 7 ni zinglam 11:30 am ah Vatican ih Apostolate Palace ah American State Secretary Marco Rubio thawn tonnak a nei ding. Holy See Press Office in media pawl ah zarhpi sunah simthannak an nei zo. Marco Rubio cu zinglam 11:15 ah a thleng ding tiah ruahsannak an nei.
Marco Rubio in Chicago khuapi ih suak tu Pope Leo XIV thawn 2025 May 18 ni ah an rak tong aw zo. Cui tonawknak cu Pope Leo in Petrine ministry Pope a tuan thok ni Missa raithawinak theh a si. Cu mi puai ah American Vice President JD Vance khal Pope cibai a rak buk ve.
May 19, 2025 ni Missa raithawinak theh ah Pope Leo XIV in Jd Vance le Marco Rubio thawn tonnak a rak nei.
Tlawngkai nili ni May 7 ni ah America ih aiawhtu pawlkom pawl a ton ding ni ah Pope in Prime Minister of Poland Donald Tusk khal tonnak a nei ding. Holy See Press Office ih thusuahnak ah cui tonawknak cu zinglam 9:00 am a si ding tiah sim thannak an rak nei. Kan thuthang a siar tu zate parah Pathian thlawsuahnak um hram seh. Hi mi thuthang cu Vatican thuthang in kan ngan mi asi.
