Prostestant missionary in Catholic biaknak ih a lut tu Brain ih thu tawi. (April 21, 2026)
Brain cu protestant missionary dinhmun in kum 10 a tuan ih an zumnak khal tha zet in a zumtu pakhat a si. Catholic zumnak pawl Thuel awknak pawl khal a rak nei. Bible cathianghlim khal a thei ih ka tuah mi a hman zet tiih rak zumzet tu a si. Asinan neta ah cun Pathian thu el awknak pawl a hmun nawn lo. A thupi mi pathum in a nunram a rak thleng ter asi.
1. Sola Scripture ti kawh mi (Bible ca lawng a thupi) ti mi thawn a kaih aw nawn lo tiah a rak ruat. “Ca thianghlim in Bible lawng a thupi ti kha khui tawkah a zirh ih a ngan tiah a sut aw. A sannak a hawl ih a hmu lo. Bible Cathinghlim in keimah lawng thunei tu ka si tiah a sim lo. Cuihlei ah Bible Cathianghlim sungih tel ding mi pawl cazin canon khal Catholic Kawhhran in Councils of Hippo le Councils of Carthage ah an rak ngem hnget mi asi.
2. Hlanlai Pawlpi Pa pawl ih zirhnak
Hlanlai zumtu pawl ih zirh mi pawl le protestant zirh daan thawn a bangaw lo tiah a rak hmu. Cuihnuah a mah in mithianghlim Ignatius of Antioch, Justin Martyr le Irenaeus of Lyons pawl ih rak ngan mi pawl khal a rak siar theu.
A hmuh mi thil cu Eucharist ( Bawipa thi le sa) ah Khrih a um ngaingai nak, Rome Bishop pawl ih thuneihnak, apostolic Pawlpi thuneihnak a pehpeh pawl an si. Hi mi thilcang pawl cu neta ih rung cang mi pawl an si lo ih hlanlai san ihsin a rak um cia mi a si thu a rak thei fiang.
3. John 6: sungta kha a rak hrial thei lo.
Cuihnuah Gospel thuthangtha Jn 6: 53 “thungai te in ka lo sim: Milai Fapa taksa nan ei lo ih a thisen tla nan inlo ahcun nan sungah nunnak nan nei lo ding” ti mi kha a rak hmu fel. A dungthluntu hrek khat pawl cu cui tongfang ruangah an tlan theh. Jesuh in cu pawl cu a rak kham lo. Hi mi in a thinlung a rak tongtuk ih ziangah tile a mah khal cu tivekih zirhnak cohlangih pom hnakin a san leh lole hawlnak pawl thawn a rak hrial thu a rak thei aw. Netabikah cun a mah cu a lung a rak thlengternak cu thu pakhat lawng a silo ih thudik a theih nak a tam vivo nak ruangah a si. Thudik in a mah cu a ruahsan dah lo mi hmun pakhat ah a rak hruai suak a si. Inn (Catholic Pawlpi) ih tlunsalnak a si. Hi mi thuthang cu Cool Catholics in kan ngan mi asi.
