Thosal puaipi ni khawmlai ah Nigeria ramah donak tuar.(April 7, 2026)
Thosal puai ih lungawinak cu caan malte sungah Nigeria ram Kaduna ramthen ah riahsiatnak ni nikhat ah a rak cang. Tuahmawh nak donak ruangah a malbik minung 7 ih nunnak a cem ih a dang tampi khal an kai ih an hruai.
Cui donak cu Kaduna remthen Kachia hmun sungah Christian Biakinn 2 ah a rak cang ih Zarhpi ni Easter puai pi an tuah lai caan ah a si. Ariko khua ih biakinn le St. Augustine Biakinn ah a cangih hi hmuhsuam nak donak pawl cu Awon hmun ih upa Mark Bawa in ngamhnget in a rak sim.
Donak tuahtu pawl cu minung tampi an thlengih cuihmun kha an kulh ih Biakinn ih khawmtu pawl kha meithal thawn an rak kap. Minung tampi an thi ih a hrek cu hramlak ah an hruai tiah an sim.
Cuihmun ih umtu pawl ih an simnak ah donak cu rei nawn a cang ih dawnkham tu ding zo hman an um lo thu an sim. Hi mi in hi hmun ih khuate kiangkap pawl ih himnak a malnak thu thinpang za a si thu an sim.
Cuihleiah kan dung thla hnih rei hrawng khal ah Kurmin Wali hmun khalah donak pakhat a rak cang ih biakinn ih a khawmtu pawl tampi kai an tong. A tu ih donak ih dunglamah Kaduna hmun hrangah humhimnak khaisang dingah dilnak tampi a um thu an sim.
