Pope Leo XIV nak in minung thawn sumdawnnak tuahnak cu “mi lai zapi par ih sualnak tuah” a si tiah mawhthluk in sim. (February 6, 2026)
Pope Leo XIV in minung thawn sumtuahnak doral nak leitlun huap a vei 12 nak ni hngilh lonakih a thu simnak ah Hi “minung pawl ih a nasa zet mi sualnak” kha a lehrul ih a cem theinak ding hrang Catholic Pawlpi in a cem tiang a doral thu a rak langter.
Milai thawi sumdawnnak doralnak thlacamnak le leitlun pi thawn pehpar mi a vei 12 nak thlen hlan ah Pope in tuisan saal dinhmun ih hmailam siatnak pawl kha a rak mawhthluk ih online rinsan in nunphung karlak ah cui sal sinak cu na deuh ih tihphan dingah a si thu khal sawhkhih in a rak sim.
February 8 ni zarhpi ni ih tuah mi leitlun huap ni hrangih a kuat mi a mai thucahnak sungah Pope in “minung par ih a nasa zet mi sualnak” a si mi hi sualpi cu lehrul in a doral ih a cem theinak ding hrangah Pawlpi ih “a thupi zet mi sawmnak” kha pehbet in a ngamhnget in a rak than.
Pope in thihnak in a thosal mi Khrih ih cibai buknak thawn “nan hnenah daihnak um hram seh” tin thupit in a langter ih cui cibai buknak ttongkam cu “minung sinak kha a thar in dinsal dingah lampi pakhat” a hmuh thu a rak sim.
Ahman mi remdaihnak cu Pathian ih pek mi minung pakkhat ciar ih sinak kha ngamhnget ih cohlannak le humhimnak in a thok asi” tiah a mah in a rak sim. Asinan tuahmawhnak, nehrawk awknak pawl a thang rero mi tuisan ah mihrek khat pawl cu mai thuneihnak kha ngamhnget ding nak hrangah hriamhrei thazaang rinsan in remdaihnak kha hawl dingah sawm an tong rero asi.
Riahsia zet in a sim mi cu minung pawl cu ralbuainak lakah ramkhel lole mai hrang hlawknak sumdawnnak pawl hrangah teimak suah zet vekin a tuletu “kiangkap ih tuahmawhnak” vekin ruah an si thu a sim.
Pope in minung nunnak ih man kha ziangsiar lo in umnak cu minung thawi sumdawnnak tuahnak kha a thangharh ter thu a rak sim. Ziangah tile hriamkai pawl le remkhel pawl, hmun ram ruangih dinhmun tha lo pawl ruangah lamzin tluan ih a vakvai rero mi minung pawl kha minung thawn sumdawnnak tuahtu pawl in caan tha an hawl ih a mai hlawknak ding dinhmun a suah ter ruangah a si.
“A siat ral mi hmuhnak sungah nunau paw le nauhak pawl cu hi a har zet mi sumdawnnak ruangah tuahmawh a tuar bik tu pawl an si” tiah a rak sim. Cuihnuah Pope in cyber slavery (Cyber saal sinak) a thanso ter thu khal a rak sim ih minung pawl kha online ti daan vek in an hip ih ritthei sii phur in zuarnak le bumawknak sungah an sawm tiah a rak sim.
“Tuahmawh tuartu pawl cu nekrawknak an tuar ih sualtuahtu dinhmunah um dingah tuah an tuar ih an mai thinlungih harsatnak pawl kha tampin a siat ter” tiah a rak sim. “Hi mi phun tuahmawhnak pawl cu pakhat ciar dinhmun silo in Khrih ih duhdawt nak vekin duhdawt ding a hngilhtu nunphung ih natnak pawl an si ti khal in pehbet in a rak sim.
Pope Leo in minung harsatnak pawl le natnak pawl tuar tikah Christian pawl cu thlacamnak le theinak lam fimnak ralrinnak ah hmahruai a tul thu a rak sim. Pope Leo in thlacamnak cu “a fate mi meialh nak” vekin minung pawl kha thudik lole remdaihnak um lo nak kha lehrul dingah tha a pe ih theitheinak ralrinnak in minung nunphung kiangkap le online digital pawl ih a cang mi man pawl thathnemnak hlawknak ti daan pawl kha an hawl ih an thei tikah an pahtlangter thei a si tiah a sim.
Netabiak ah minung zuarnak ih tuahmawhnakkha cem thei dingah mi menmen tinah Pathian ih duhdawt mi naunak pawl dinhmun ih zoh mi a thar ih hmuhnak a si thu khal pehbet in a rak thei ter.
Pope in minung zuarnak ruangih hliam tuartu pawl kha bawm in run dingah hi mi lam ih hnatuan tu upawl le online in tuahtu pawl kha a lungawi thu a rak sim. Cuitlunah a hrek pawl cu an tuarnak pawl kha an neh thei sal ih a nungtu suaktu pawl khal an um tiah a rak sim.
