Laudato Si’ No.4
Kum 1971 ah (Hnatuan nak ih a tul lo mi dinhmun pawl kha remtha ding in dil nak Pope Leo ih ngan mi Capi a suah ih kum 80 kim) leitlunpi remdaih nak um seh timi Capi a suak ih, kum 8 a rei hnuah Mithianghlim Pope Paul VI in minung pawl ih kiangkap ih a siat mi par ah a thinphang ih minung pawl ih kilkawi nak um lo mi kiangkap par ah tuah nak pawl ruangah a besia zet mi nehhnu hrang ih that lo nak pawl kha kan tong thei thu pawl kha sim nak a nei.
Minung pawl cu mah te um mi thilri pawl kha a tha lo mi tumtah nak thawn mai thathnem nak ding hrang lole mai hlawk nak ding hrang ah tin an ruat ih an siatsuah nak pawl ruangah, Kiangkap hi a siat ih , minung pawl cu nehhnu ih ngah ding mi siatsuah mi kiangkap dinhmun ih kaihhrem nak a tuar tu vek in a cang thei mi harsat nak thawn ton a theih theu. (Pope Paul VI)
Cule Pope in Leilungtlun federation ih ei inn le thil cin nak hnatuan pawl thawn pehpar mi metting nak pakhat ah (Cu vek tongfang pawl hmang in) thu sim nak a neih nak ah Cet lam hnatuan nak kha hrambun in minung tlanlen nak ruangih a cang thei mi kiangkap siatsuah nak lak ih harsat nak thawn ton a theih ih, minung pawl ih thil tuah dan pawl cu a hramthok ihsin thleng awk nak a tul dan thu upat in ralrin nak a pek.
Science lam thawn pehpar mi san ti luan ih a thangso mi theihkauh nak, thiam nak thawn pehpar mi, mangbangza thangso nak sumdawn nak lam thawn pehpar mi ruah ban lo mi thanso nak pawl cu minung pawlkom nak, Nuncan ziaza lam thawn pehpar mi pawl khal ah thanso nak thawn kom tlang in, thanso nak a um cuang lo le cu pawl cu minung pawl in an dodal thlang ih minung pawl kha nikhat khat ah harsat nak in pek thei.
No. 5
Mithianghlim Pope John Paul II cu kiang le kap a siat nak hrang hleice in a rak thinphang. A mai a rak ngan mi a hmaisa bik capi (Minung pawl rundam tu Redeemer of men) ah minung pawl cu caan khat caan khat kan kiang kan kap cu minung pawl ih caan rei lo te sung that hnemnak lawng a tha ih, thil dang ziang hman ah a that hnem lo tin ruah a si ih a lak ih cemral ter a si kha ruah ding a um a si.
Curuangah nehhnu ah upat tlakzet mi Pope cun kiangkap par ih ruahdan kha thleng a tul thu a rak sim a si. Cui tikcu thotho ah minung pawl ih thu thawn pehpar mi a fiangfai mi kiang le kap kilhim nak cang suah dingah minung pawl tuahdan kil nak hrangih tuahnak pawl cu a mal tuk thu a rak hmuh. Kan kiang le kap siatsuah nak cu kan ngaihsak ding mi thil a si. Ziangruangah tile Pathian cu mipa, nunau hnen leilungpi kilkhawi dingih tuanvo a pek lawng si loin, minung pawl ih nunram dinhmun besia nak a phunphun pawl in kilkhawi theinak laksawng a si. Kiangkap kilhim nak le dinhmun sang dingih tuahnak ah minung pawl ih umtlan daan, thil le ri suah nak, hman dan pungsan le ram then uk awk dan thu pawl khal tamzet thleng a tul sal ding a si.
Minung pawl ih thanso nak phunkim ah moral thawn pehpar mi kha tan a ngah lo. Minung pawl ih thanso nak thawn pehpar mi hnatuan tinkim ah minung ih sinak kha upat ding a tulih, kan kiang le kap ih leilung pi thu khal ruah ding a tul ih, ramsa phunkim ih umtlan dan thu, felfai zetih dinmi leitlun ah khat le khat pehpar awk nak pawl khal ruah a tul cih a si.
Leitlun dan pawl thlen duh nak thawi minung ih tuahnak pawl cu Pathian in leilungpumpi ih um mi hmuahhmuah, kan zate hrang laksawng ih in ap nak ih tumtah nak thawn a mil aw ding a si.
