Pope in Holy Family Zarhpi ni ah Ukraine hrang bomnak kuat. (December 27, 2025)
Pope Leo XIV in Ukraine ram ah bom thlaknak a tongtu hmunram pawl ah minung zawnruahnak bawmnak truck motor pathum phur thil kuat. Pope bomnak zung ih Cardinal Konrad Krajewski ih simnak ah hi mi cu a tam lo a fate nan a thupi mi zawnruahnak a si ih Holy Family vekin hrinhronak le um hmun hawl in a um tu Family sungkua pawl bawmnak dingah a si tiah a sim.
Pope Leo XIV in Truck pathum in minung zawnruahnak bawmnak ih a kuat mi asi. Cu mi ah in ei thuk tingkhat a tel ih tidai malte thawn suan thei mi arsa le hanghnah hangrah tel mi thazaang hrang a tha mi a si. Hi bomnak cu Pope in “ a fate ko nan a thupi in duhdawtnak” tiah a langter ih Decembet 28 ni Nazareth ih Holy Family puai ni ah Vatican in Ukraine innsang pawl hnen a thupi mi minung zawnruahnak bomnak pe dingah tumtah mi a si.
Pope Leo ih peknak cu Pope zungih bomnak zungih Cardinal Konrad Krajewski in Vatican media ih a simnak vekin hi mi cu Nazareth ih Holy Family vekin himnak hawl ih a um tu innsang pawl tha peknak ih duhdawtnak a si. Hi innsang pawl cu tuksumza harsatnak le a fianglo mi dinhmun in a um tu harsat tuar nak a tong rero tu an si tiah a tarlang.
Cardinal in pehbet ih a simnak nakah hi mi duhdawtnak hi Pathian cu hi innsang pawl sungah a suaknak in tuksumza dinhmun in a um tu minung pawl, harsat tongtu pawl, mai um nak in a tlan tu pawl, hnon tuartu pawl ih hmun le ram ah a um thu langter nak a si.
Cardinal in pehbet in a simnak ah Christmas hlante ah Pope ih zaangfah lainatnak hnatuan nak zungin Pope in ram tampi ah sumpai bomnak a kuat thu khal a sim.
Ukraine hrangah Christmas hlante ah Vatican in Korea Company Samyang Foods in kuat mi motor pi pathum khat cu a thlen ih cui tlunah bom ih siatsuahnak a tongtu hmun le ram pawl khal ah a kuat thu a langter. Hi hmun ah meisa, tidai le khuahlum thei dingih tuahnak cet khal a um lo thu a sim.
Cardinal Krajewski in a simnak ah Pope Leo cu remdaihnak hrang thla a cam lawng silo in harsat tong rero tu innsang pawl thawn khal naiten a um thu khal a rak sim. Hi mi thuthang cu Vatican thuthangin kan ngan mi asi.
