Inn le lo ram neih lo nak, nelaw zetih um tu innhnen pawl

152. Inn le lo ram neih lo nak cu leitlun ih a um mi khuapi pawl, khua pawl le hmuntampi ih an ton mi harsat nak asi. Farah pawl lawng si lo in mitampi cu inn nei dingin harsat an tong asi. Inn le lo ram neih cu mi bulpak hrangah sinak a um ih, innsungsang tammi innsang pawl hrangah a remcang  asi. Hi thil cu minung thawn a pehpar aw mi kiangkap hrangah a thupi zet asi.

 Mi harsa pawl cu harhdam nak hrangah remcang lo mi hmun pawl, nunnak hrang tihnun  nak hmun pawl ah a um tu pawl cu an harsat nak par ih harsa bet lo dingin an um nak hmun thawn dingih tawlrel nak a um asi le hlankhan in theih ter in, a thiangfai mi inn hmun ah thawn ding in sian nak pek ih hleiah, plan tuah nak le tuahsuak nak pawl cu cui hmun ih a um tu pawl khal tel ter ve ding a tha asi. Cui caanah harsatnak tong caan ih hman cih thei dingih an sak mi innhnen kiangkap inn pawl khal minung za tei rak cohlang tu khua pawl ih can ter ding hrang tuah nak a tul asi.

Khat le khat zum awk nak um lo nak dinhmun kha pahtlang in, a bang aw lo mi minung pawl kha hmunkhat tei um ter in hi ti vek ih hmunkhat tei um tlang nak cu khua lam ih thanso nak plan ih a tuah tu khua ram pawl cu ziangtluk a nuam mi hmun asi pei? Khua le ram dinsuak nak ding hrangah plan an suai ihsi thok in innhnen pawl duhdaw aw zet ih um nak, khat le khat pehtlaih aw thei dingin, midang pawl kha theihsak nak ding hrang hmunram pawl ret sak nak, inn design suai nak khua pawl cu ziangtluk mi an hip thei pei?