Pope Leo XIV in Turkey ih a tuu khal khual tlawnnak cu Armenian Apostolic Cathedral of Istanbul  feh in le Ecumenical Patriarch Bartholomew thawn  Pathian biakkhawmnak nei in a cem ter a si.

Pope Leo XIV cu Turkey ah rampum ih Catholic pawlkom tenau pawl tlawng lawn siloin a thupi bik in Kohhran thuanthu ih hminsinnak Ecumenical Council hmaisabik Nicaea Kum 1,700 kim lawmnak hrang tlawng mi asi.

Tunlai Iznik ah Pope in council umnak hmun a tlawng cu tlawngnak hmun sang bik pakhat  a si.

Cunah cun ecumenical patriarch Bartholomew I bakah, Patriarch dang pawl, tulai leitlun Khristian pawl aiawh tu le khaw mi pawl thawn tawnawknak a nei a si.

Pope tlawngnak ecumenical focas ah cun Syriac Orthodox Kohhrah ah a feh, cubakah Istanbul ih Armenian Apostolic Cathedral ah khal a feh a si.

Ecumenical Patriarch ah caan a hmang, cunah cun See of Constantinople dintu hlun Saint Andrew puai thuhla ah Bartholomew thawn lungkimtlan nak thusuah an ngan a si.

Hi tlawngnak hrang biaknak phunphun karlak ih thil umdan vekin, Pope cun Ankara ih Turkey Islamic thuneitu pawl le ram sungih Juda hnam chief rabbi pawl thawn an tonawk ih, Istanbul ih Blue  Mosque khal ah a tlawng a si.

Tuah cun Pope cun Beirut ah a thleng a si. Cuih hmun ah a tuu khal khual tlawng nak hmaisa bik cu a peh zawm a si.

Hi thuthang cu Vatican thuthang ih kan don mi a si.