Pope Leo ih December thla hrang thlacam tumtah mi cu ral doawknak hmun ih a umtu Christian pawl hrang tumtah.(November 26, 2025)
Pope Leo XIV nak in Decembet thla hrang a mai thlacamsak ding tumtahnak a rak suah ih raldonak le buainak karlak ih a um tu Christian pawl “remdaihnak ih thlaici si hram uh” tiah zumtu pawl hnen a rak sawm.
Pope Leo XIV in Turkey le Labanon ih a Tuukhal khual tlawn ding hrangih a timtuah lai ah December thla hrang thlacam tumtah mi thawn pehpar in Pope in a mai Video kha Thlawngkai nithum ah a rak suah. Tui thla hrangih a suah mi cu “ Ralbuainak hmun le ram ih a umtu Christian pawl hrangah a si.
“Ralbuainak hmun le ram ih a umtu pawl a hleice in nisuahnak a laifannak hmun ih umtu Christian pawl remdaihnak, remawk salnak le ruahsannak ih thlaici pawl si thei dingin thlacam sak uh si”tiah video ih a thusimnak ah a rak cah.
Cuihnuah Pope in remdaihnakih Pathian hnen thla a cam sak ih hliamtuarnak thawn a khat mi Christian pawl in Nang mai hnemnak thlasuah le zumnak ih kan unau pawl ih thlacam saknak kha thinlungah an cohlan theinak dingah thla a rak camsak.
Pope in a dang Christian pawl in thinnat tuarnak pawl kha tuar theinak an neih theinak ding thlacamsak dingah Zumtu zaten a rak sawm. Cui hlei ah lungrualnak a tuah thei mi minung pawl si thei cio ding khal ah thlacam a tul thu a rak sim.
Aw Jesuh Bawipa remdaihnak hrangih a tuah tu pawl cu mithlasuah an si tin a ti tu Bawipa, lungrual nak a cang thei lo ding ti ih ruahnak hmun khal ah na remdaihnak ih hriamhrei pawl si thei dingah lam in hmuh aw.
Aw thiangthlarau Pathian, thimnak hmun ih um caan ah ruahsannak hrampi a situ Bawipa harsatnak tuartu pawl ih zumnak kha runbawm awla an ruahsannak khal run khoh ter aw. Kan mah pawl cu Jesuh Khrih vekin lungrualnak a dintu ah in tuah awla bangawk lonak ( thleidannak) sungah tla dingin in siang hram hlah aw. Amen. Hi mi thuthang cu Vatican thuthangin a tawizawngin kan ngan mi a si.
