Pope Leo XIV in 2026 kum ih a vei hnihnak Leitlun nauhak pawl ni tuah ding ni than.(November 19, 2025)
Pope Leo XIV in a veihnihnak Leitlun huap nauhak pawl ni cu September 25-27,2026 ah Rome khuapi ah tuah dingin a rak than.
Tlawngkai nithum ni , Pope in mipi a ton ni ah 2026 kum hrangih Leitlun nauhak pawl ni tuah dingah official logo le Thantar kha thlawsuah peknak a rak nei. Ka thinlung sungah nauhak pawl ka vunmang sal. 2026 sungah September 25-27 ih tuah ding mi nauhak pawl hrang a hleice ni cu an hrangah nuamnak hmuh cu lungawinak caan tha an ngah ding tiah Italy tong hmangtu pawl cibai buk phah in a rak sim.
Cu mi theh ah Gaza ih nauhak kum 7 mi Majd Bernard in leitlun nauhak pawl committee (world children day) WCD hoha tu Fr Enzo Fortunato, OFM Conv, thawn Pope hnen Thantar peknak an rak nei. Committee ih sim thannak ah Leitlun huap nauhak pawl ni cu “leitlun killi ih nauhak pawl le an mah thawn pehpar mi innsang thawn tonawknak, thlacamnak le sunloihnak caan tha a si ding tiah a sim.
Mi menmen pawl (laity) Innsungsang le life ih tuanvo neitu Cardinal Kevin Farrell in Pawlpi in nauhak pawl le innsang pawl a ngaihsak zet thu a sim. Cardinal ih a simnak ah nauhak pawl kha remdaihnak ih mawinak thatho zetih hmuh dingah a tul thu a sim. Remdaihnak ti mi cu innsungsang in a thok ih ca zirnak Tlawng, Lehnak hmun pawl, than liannak ih kiangkap ah le neta bikah leitlun kil li tiang kau zetin an tel a tul thu a tarlang. Cui hleiah “nauhak pawl cu remdaihnak man kha thaten an thei dingih nulepa karlakah rinhlelnak, lehrulhnak lole kiangkap ah luartuk ih um pawl an tontikah thinlung harsatnak ruangah nasa tuk in an tuar a si ti khal in Cardinal in pehbet in a rak sim.
Cardinal Farrell in a veihnihnak Leitlun nauhak pawl ni (WCD) ah Pawlpi in nauhak pawl le an innsang pawl thawn naiten a um thu langter dingah le ruahsannak thawn lungawinak pawl pek theinak caantha pakhat a si thei thu khal ruahsan in a rak sim.
2026 hrangih tuah ding mi caanserh ih Logo cu Tlawnkai nithum ni ah Pope hnenah ap a si ih cu mi Thantar parah an langter ih leitlun Continent 7 aih awh in keneh ( kutzungneh) 7 a tel.
Thu an suahnakah hi Keneh (kutneh) pawl in nauhak nunram ih a thinghlim ih a tlaitluan mi cangvaihnak pawl kha a mangter ih a fate mi pawl ih leitlun huam thawn pehpar mi zalennak kha a aiawh mi symbolic khal a si.
A rong phun kim in nunphung tinkim ih danglamnak kha a aiawh ih bangawk lo nak pawl kha a manhlat zia le cohlang thiam, hawl thiam dingah tuah mi a si.
2024 kum ih a hmaisabik leitlun huap nauhak pawl ni tuahnakah ram 101 in nauhak ting khat an rak tel thei. An simthannak ah 2026 ih tuah ding mi leitlun a veihnihnak cu Pawlpi in remdaihnak cohlannak le hmailam ruahsan in leitlun ih a thupi mi dinhmun ih a tel tu a fate mi pawl ih aw kha ngai in thupit dingah thar thawh in an suah mi asi. Hi mi thuthang cu Vatican thuthang in a tawizawng le a remthei bik ih kan ngan mi asi.
