November 3

Mipum pehtlaih awk nak dik ih Bawi a si mi Mithianghlim Martin de Porres cu 1579 ah Peru ram, Lima khuapi ah a rak suak. Spain mirang upat tlak a si mi a pa in a dumtuk ruangah a nu thawn a rak tlan san.

A kum 15 ah Lima khuapi ih um Dominican Yatih tlawng ah a lut ih cui tlawng ah Brother pakhat dinhmun in a thih tiang a rak um.

A mah cu sam met tu in siseh, hnipuan sawp tu in siseh, nurse in siseh, a tinkaing ih a tenaubik mi tuanvo pawl rinum le lungawi zet in a rak tuan.

Mifarah pawl hnenah ei in le a hlu pawl hlawm dingah tuanvo pek mi a si vek in an mai hrangah nu le pa nei lo inn le sizung pakhat sak dingah a rak tim lam sak.

Martin ih duhdawtnak ah ramsa pawl khal an tel. A mah cu zawhte pawl le ui co pawl hrangah um nak a rak ret sak ih tlawng ih um mi zinghnam fa te khal rawl a rak pe.

A zumnak tumpi ruangah Martin in nat dam ter thei nak le hmun hnih ah veikhat langih lang thei nak thlusuah pawl a rak ngah. A mah cu 1639 ah a thi ih khua mipi zaten a ruak vui nak ah an rak feh.