Sudan ramah ralkap le RSF karlak Kordofan laifang hmun ah doawknak a sosang ruangah mitam zet cu an tlan a si. Hi buainak cun a hlan ah tla mipum 14 million an tlan ter, mipum 120,000 hrawng an thi ih buainak a sosang sinsin asi.

Sudan ralkap le Rapid Support Forces karlak buainak rapthlak zet rumsung doawknak ruangah umnak hmun tlansantu 14 million pawl ih harsatnak pawl, tharum suahnak pawl a karh sinsin ruangah mipum thawng tampi cu tu zarh cem ah an maih umnak ihsin an tlan sal a si.

Kum reizet rak uktu Omar al-Bashir an dawi suak hnu kum 2023 ah Sudan ralkap pawl le RSF pawl thuneihnak chuh aw in an doawk thawk a si. Hi buainak thawk ah mipum 120,000 hrawng an thi asi.

A liam cia mi kar sungah RSF cun EI Fasher khuapi an lak hnu thlanglam Darfur mipi pawl parah an tuah mi rapthlak zet tharum thawhnak thuhla a suah hnu ah nithum sung doawknak a suak sal ih mipum 2000 hrawng an umnak hmun an tansan sal tin mit ih hmutu pawl le UN tuanvo neitu pawl in an sim.

Leitlun huap umnak thawn pawlkom (International Organisation for Migration) ih sim dan cun umnak hmun suahsan pawl cu tlawngkai ninga ni ihsin zarhpi ni karlak North Kordofan hmun ih sin tlan suah tu an si ih, Kordofan dunglam Darfur hmun pawl thawn a reihlan ah buainak hmunpi ah a rak cang.

Pope Leo XIV cu Sudan ih tharun thawhnak pawl tha lo zet a ti thu le a tu rori doawknak cawl dingin, Party pawl karlak thurel tlannak le minung zawn ruahnak lamzin pawl ong dingin runnak hnatuan pawl hrang leitlun huap hnatuan pawl bawm dingin a dil sak asi.

Minung zawn ruahnak pawlkom in thlanglam African ram um hi a thupi zet caan cu leitlun ih a tum zetmi minung zawn ruahnak bawmnak a tul zet caan tin an sim ih, tuih cangmi tharum suahnak pawl lawng siloin, ram ih hmun tampi ah taamnak cun mi tampi a hringhro rero thu ralrin pek a sithu Ap le adang thuthang hram pawl sirhsan in Vatican thuthang in a tarlang a si.