November thla hrang Pope Leo XIV in thlacam tumtah suah. (November 4, 2025)
Pope Leo XIV ih November thla hrang thlacam tumtah mi cu mai nunnak cem dingah mah le mah tuahsiat awknak ( mah le mah thah awknak) kha kham dingah a thlacam tumtahnak sungah a rak tel. Pope Leo XIV cu November 4 ih a suah mi video pakhat ah hi tin a rak sim. Mai nunnak cem dingih ruahnak neitu pawl (ruahsannak a nei lo tu pawl) hrangah thlacamsak uh si. An hrangah tleunak, bawmnak le duhdawtnak pawl cat lo in ra hram seh. Nunnak ti mi cu a manhla tuk mi a si ti kha mangsal thei hram hai seh.
Thuthang an suahnak ah tui thla hrang Pope ih Video le diocese of Phoenix thawn tuah tlang a si tiah an sim. Aw Jesuh tha bang mi le riahsia tu pawl ka hnenah ra uh la ra cawl uh tiah na sawm theu a si. Tui thlasungah kan mah pawl cu minung zate hrangah na hnen thlacam kan tul a si.
Thimnak le ruahsannak hlo nak sungih a um tu pawl hrangah a hleice in nunnak cem dingah (mah le mah thah aw dingah) tuah dunnak thinlung a neitu pawl hrangah thla cam a tul a si. An zaten an mah pawl kha a cohlang tu , a ngai sak tu le lamhmuhtu kiangkap pakhat kha hmu thei ringring hram hai seh.
Kan zaten a nem ih zaangfah thiam mi thinlung in pe aw. A bang mi pawl, riahsia tu pawl hnen ttongfang in siseh, bawmnak in siseh, thinnem dingin tha pe thei hram hai seh, a tul le thinlung lam harhdamnak siibawi pawl thawn khal pe thei hram hai seh. Kan mah pawl cu upat nak le thinnemnak thawn midang pawl kiangah um thei dingin in bawm aw. Thin naa tu pawl kha bawm thei in khat le khat rinawknak le duhdawtnak pehtlainak pawl din thei hram seh. Nunnak kha ruahsannak thar thawn zoh thiam ding khal in in bawm hram aw. Nunnak cu Pathian ih pek mi a mawi mi laksawng a si ih harsatnak le thinnatnak lakah a mawinak le a man hlat zia a hloh lo thu mang ter sal hram aw.
Nangmai dung a lo thlun tu pawl hman ruahsannak um lo mi riahsiatnak sungin an luat thei lo thu kan thei a si. Curuangah Pa Pathian, na duhdawtnak kha tep ringring thei dingah in bawm aw. Nangmah lo naih phah in Pa Pathian ih a cem thei lo mi duhdawtnak kha thei in kan hmu theinak nak dingah mitin hnenah thei ter hram aw. Pa Pathian in a kut in lam ih hmuh ih in pek mi nunnak parah rinnak le ruahsannak thar din thei hram hai seh.
hi thuthang cu CNA thuthangin a remcang thei bik dingih kan leh mi a si.
