Mual in liamsan zo tu zumtu pawl zaten sunloihnak Angelus thlacamnak ah, Pope Leo XIV cun thawnsalnak ih ruahsannak le kan hmai ih a feh zo tu pawl cing ringring ding a thupit zia a sim a si.

Zarhpi ni St. Peter’s Square ih pumkhawmtu pawl hnen ah Pope Leo XIV cun November thla thok cu Kohhran in mual in liam san zo tu zumtu pawl zaten hrang sunloihnak ni le mithianghlim zaten hrang ni ah a hmin sin a si. Pope cun hi ni cu thihnak ihsin thosal Jesuh cun kan mah pakhat ciar covo in kawh hmuh a si.

Mithianghlim John ih ngan mi Gospel cathianghlim sungah Jesuh tongkam ruat kir sal ni “Hi mi cu I thlahtu ih duhnak a si, in pek mi hmuahhmuh cu zianghman ka hlo ter lo ding a si lo ih ni netabik ni ah ka tho ter sal ding’ a ti.

Hi tongkam ruat sal in Pope cun Pathian ih hmuitin mi cu a fiang zet a si a ti. Cu cu zohman kumkhua an thih lo ding thu,  mi zaten amah hrang hmun an nei ding thu le an mawinak danglam zet an suah ding a si tin a sim.

Ma ni mithianghlim pawl puai tuahnak ruat sal in Pope Leo cun a maih fanu le fapa pawl hnenah tel duhtu hmuahhmuh hnenah Patian nunram a kau a si a ti. Minung hmuahhmuh in theihnak ngaihvennak le nuamnak, duhnak a keng theh a si a ti. Pope Benedict XVI thusim mi a sim ih ‘kumkhua nunnak’ timi tongkam cun hi duhnak cu hmin a pek a si a ti.

Pope cun Khrih nun famkim le hlimnak hi kan sinak hmuahhmuah kan ruahsannak le kan ruahnak cu asi tiin a sim a si.

Pa Thianghlim cun a thi zotu thlarau hmuahhmuah ih ni kan tuah mi hawi in thihnak cu hmel si maw, leitlun pumpi simaw laksak a si ih sunglam ah cun zohman kan thi lo a si. Taktak ah cun mi hmuahhmuah hi leitlun pumpi an si a ti.

Hngilhlonak a thupit zia ruat kir sal in man a nei zet asinan a sia zet tin a sim. Jesuh “a nunram ah thihnak le thawhsalnak”cing ringring nak tel lo cun nitin nunnak rohlu cu hngilh a si thei. Asinan Khrih ah cun zohman an thei ringring lo si maw, thuanthu vekin hloral men si hman seh an zahumnak cem thei lo a um ringring a si tin a sim a si.

Hi thuthang cu Vatican thuthang in kan don mi a si.