Ahlan Anglican biaknak ih Bishop Catholic biaknak ah lungthlengin thawn.
Englican biaknak ih Msgr. Michael Nazir- Ali cu 2021 kumah Catholic biaknak ah lungthlengin a lut tu a hlan ih Englican bishop pakhat a si ih a tu ah Catholic biaknak ah lungthlengin a thawntu an tam ding tiah a zum ih biakinn hotu pawl hnen timtuahnak nei dingah a forhfial. A sim mi thuhla ah British Siangpahrang Charles III nak ih Vatican ih a tlawnnak thuanthu ah le Englican biaknak sungah tamdeuh in a kau mi bangawk lonak pawl thawn a cang mi lamhmuhnak pakhat a si thu a rak sim.
Bishop Michael Nazir Ali cu a tuah Our Lady of Walsingham kut hnuai ih Catholic Biaknak ih Bishop dinhmun in rian a tuan ih hi tivekih thlengawknak pawl cu felfai zetin kilhim in ti fiang dingah a tul thu thupit in a sim. A mah in Global Anglecan Future Conference (GAFCON) ah thu simnak a nei ih GAFCON cu leitlun huap Englican Biaknak pawl ih a hrek hrawng ai a awh thu an sim ko nan cu mi pawlkom cu Church of England thawn an ruahsannak a bangawk lo ruangah pehtlaih awknak an nei lo thu a rak sim.
Cu mi in GAFCON ih an mai umnak hmun le ram thuneitu pawl ih zalen tuknak in Bible lawng ruat in hram a but in rin um nak ti ih ruahnak cu Englican Biaknak ih um mi, mihrek cu Catholic biaknak ih lut dingah ruahnak an nei thei thu a rak sim. Nazir cu British le ramlengah Biakinn lam tuanvo neitu le fimthiamnak lam pawlkom ah rian a rak tuan dahtu a si. Catholic Biaknak cu Bible Cathianghlim kha zumnak ih a sangbik mi tiah an zum ko nan Englican biaknak vekin Bible Cathianghlim pakhat cekci lawng hram bun cu buainak pawl a can ter thei thu sawhkhih in a rak sim.
Hi mi thuthang cu SW news in a tawizawng le a remcang ding zawngin kan ngan mi a si.
