October19, 2025, Mission Sunday ni ah Pope Leo XIV in mithianghlim khaisannak caanserh hmang ding.(October 16, 2025)
October 19, 2025 ni St.Peter Square (tualrawn)ah thuanthu ih a tang dingmi hminsin thlak Missa sumnak Pope Leo XIV in Mithianghlim thar pasarih 7 kha khaisannak caanserh hoha in hmang ding a si.
Cu mi thuanthu pawl cu leitlun killi ih kumtampi sungah zumnak kha a hleice ih langternak a si. Mifarah pawl ih Siibawi ti ih an kawh mi Venezuelar ram ih Dr Jose Gregorio Hernandez pakhat le Italy lawyer in satanni Puithiam in Rosary tetti khan ih lungthlengtu Bartolo Longo tla an tel.
Holy See Press Office ih simnak ah hi mi Mithianghlim khaisannak cu Pope Leo in kan dungzarh ih a sim zo vekin ngamhnget a si. hi mi cu kan dung lam ih St. Carlo Acutis le Pier Giorgio Frassati mithianghlim ah khaisan an si vekin tuah bet a si dingih tuisan ah zumnak thawn thianhlimnak kha nungter dingah a langsar mi nunram thawn tetti khan tu pawl minung tampi hnen upat sunloihnak pek nak a si thu a langter.
Mithianghlim pasarih sungah Venezuelan’s ram in hi mi cu a thlunlam ih kan sim zo bangin Dr Jose Gregorio Hernandez le The Sister servants of Jesus Congregation a rak dintu Sr. Maria Del Carmen Rendiles Marinez an si. Upat sunlawih ding mi sungah Armenian archbishop Ignatius Shoukrallah Maloyan cu Ottoman genocide (Ottoman miphun thah an si lai ah) zumnak ruangah a nunnak a rak liamtu a si.
Cui hleiah Papua new Genia ram in Peter To Rot cu leitlun ralpi 2 nak sungah a zumnak ruangah thah rak tuartu a si ih Pathian thuzirhtu Saya ( catechist) pakhat a si. cun the Sister of Mercy of Verona Kaing (Congregation) a rak dintu Sr.Vincenza Maria Poloni a si ih Sr Maria Troncatti cu Salessian missionary in a si ih a mah cu Ecuador ramih Shuar miphun pawl hrangah ruahsannak a rak kengtu a si. hi mi thuthang cu SW news in a tawizawngin kan ngan mi a si.
