September-28
Philippines mipa ih a hmaisabik Mithianghlim Lawrence Ruiz cu Manila khuapi Japan pawl an um nak veng ah a rak suak. A mah cu Philippines nunau pakhat thawn an nei awk ih fa pathum an nei.
Kum 1636 ah Binondo Biakinn ah zung cangantu tuanvo ih a rak tuan lai ah Spain miphun in mi thattu tin a rak puh. Thu sual in luat dingah Japan ram ih a feh tu ding a hrek khat Dominican Pathian thusimtu in an tlan.
Tomonada Tangphawlawng in Tomonaga an thlen tikah kaih an tuar ih nasa zet in hrem nak an rak tuar. Hi martyr pawl cu a hrekkhat ralkap pawl in an pum ih an pal tikah an kaa, an hnar le hna pawl ihsin thi thawn a rawi aw mi a suah ih pungkhat hrawng a si mi tidai an in ter.
Thir saupi kha an kutzung karlakah an ret tikah an nat nak nasazet in a thot er sal. Netabik ah cun a baal zet mi hnawm pawl thawn a khat mi khur sungah an thlak ih nuam te ten, ruahsan ding nei lo in an thih ter.
Lawrence Ruiz an thah hlan teah zumnak a hnget khoh zet mi Christian pakhat a sit hu le a nih cu kum thawng in nung hman sehla Jesuh khrih hrangah thih ding thu a phuang a si.
Japan pawl hrangah tonglet tu in tuanvo a lak rero tu zuar thali tu Siangbawi pahnih cu a mai ral that nak thinlung le a hnget zet mi zumnak ruangah an thinlung a siat suah tuk ih an sual an rak sir. Cui Siangbawi pawl in thuhla a zaten kuat dingah Manila ih a feh tu ding hmaisabik tangpawlawng in an feh.
Archbishop in lungawi thu kam awk nnak in Lawrence Ruiz sunlawih nak ah khuapi sungih um mi Biakinn khawnglawng hmuahhmuah a tum ter.
A nih cu nunnak thawng tampi nei hman seh Jesuh hrangih thi dingin a tong ta.
