Pope in Charlie Kirk le a tanta mi innsang hrangah thlacam sak. (September 17, 2025)
Pope Leo XIV in ramkhel thu thawn tuahmawh awknak pawl a cangpeh vivo pang ding tiah a phan thu a langter ih American ih thatho in a cangvai tu Charlie Kirk le a nupi, a fate pahnih hrangah thla a camsak thu Vatian thuthangin a tarlang.
The Director of the Holy See Press Office tuanvo neitu Matto Bruni cu America ih cangvai tu Charlie Kirk ih tuahmawh tuarnak parah Pope Leo XIV ih hmuh daan thawn pehpar in thuthang latu pawl ih thusuhnak a rak sang.
The Director of the Holy See Press Office tuanvo neitu Mr. Matteo Bruni ih a simnak ah Pope Leo in U.S. Ambassador (ram palai) thawn an tonawk laiah Charlie Kirk, a nupi le a fala pawl hrang Pope in thla a camsak thu a sim ih ramkhel lam thu ih tuahmawh awknak parah a thin a phan thu a sim bet ih thiltha lo ih forhawknak tongkam pawl le ramkhel lam thu ah tuahmawh awknak pawl hrial ding a thupit thu khal fiangten a rak sim thu a sim.
Mipi a toncaan khal ah Pope Leo in Charlie Kirk le a innsang pawl hnen a riahsiatnak a langter ih hleiah ramkhel tuahmawh awknak parah a thin phan thu khal a rak sim bet.
Charlie Kirk cu America ramkhel lam khal ah cangvaitu, cangan thiamtu le media lam khal ah cangvai thiam tu a si ih Trump ih ruah daan a duhtu pawl hrangih tuah mi “Turning Point USA” rak din lai khal ah a tel tu a si.
Kum 31 lawng a si lai mi ramkhel lam ih cangvaitu Charlie Kark cu September 10 ni ih Utah Valley University ah rin lo pin a nunnak a cem ih vuinak caan serh cu September 21 zarhpi ni ah Arizona, Glendale ah tuah asi. Hi thuthang cu Vatican thuthangin a remcang thei bikin kan ngan mi asi.
