Charlie Kirk cu USA ih Turning Point dintu le a zumnak kha langsar zetin simtu le evangelical Christian zumtu tuahmawh tong. (September 10, 2025)
“Ka Zumnak hrangah raltha tu tin theih ter ka lo duh” tiah Kirk cun a rak ti. A thupi bik mi cu hi mi lawng a si. A thupi bik mi cu ka zumnak hi a si tiah a rak sim bet.
Caanserh hmannak an thawhhnu minutes 20 hrawngah cu mi lakih mi pakhat in nunau le mipa sinak thlengnak thu le meithal thu pawl a rak sut. Thusuttu le Kirk kha an lehawk nak a rei hlanah cu mi innkiang ih innpi par in um hmun latu pakhat in bolt- action rifile in a rak kap ih cui cerek cun a hngawngah a rak ngah tlangih a nunnak a rak cem.
Kirk cu amai nunramah mino pawl kha innsang nei in innsang din dingah a rak forh fial ih nauthlaknak le nunau le mipa sinak thlengnak pawl a rak dodal ih phungsang tlawngta pawl hnen Khrih dungthlun tu si dingah tha pe in rak sawm tu a si.
Charlie Kirk le Catholic Pawlpi thawn pehparnak.
Charlie Kirk cu Protestant zumtu a si ko nan Catholic zumtu pawl thawn Biaknak lam thu ruahnak pawl reltlangnakah tuletu a rak tel theu tu a si. Anupi Erika cu Catholic ah Baptism a rak sang ih an nupa le an fale pahnih cu Arizona, Scottsdale Catholic Biakinn ah hmuh an si theu.
Tuikum sungih podcast caanserh pakhatah Kirk cu a mah telephone thawn ko tu pakhat hnen Catholic cu a bangaw lo mi ti daan tampi a um vekin mangbang za in san a man mi an si thu a rak sim.
An ni Catholic pawl cu nunnak ( Fathlaknak) hrangah an do, innsang thenawknak an do, nulepa sinak thlengawknak hrangah an do rero a si tiah Kirk cun a rak sim. Ph thawn a ko tu pa in Catholic ih thlarau lam thu kha Kirk a suh tikah Kirk in Catholic pawl cun na tuk ih an do mi a si tiah a rak sim. A sinan Kirk in “hi thuhla hi reltlang thei sehla ka lung a awi ding” tiah a rak sim. Cuitlun ah evangelical pawl khal cu Pa Pathian in a mai neihsun fapa leitlun ih a rat ter dingah a hril cia mi Maria ih thu theihnak, zirnak, reltlangnak pawl le lamhmuhnak lamah tamdeuh in tuah thei a tul tiah pehbet in a rak sim.
Kanmah Protestant pawl, evangelical pawl dinhmun in Maria kha upatnak tuah a si hrih lo tiah a rak sim. Amah cu a thupi zet tu a si. Rundam tu le kan Bawipai hrangah Tanphawlawng (long) pi dinhmun ih um tu a si. kan mah pawl in kan rem luantuk si ding tiah ka ruat. Kan mah pawl cu Maria thu kan sim dah lo, a mah khal kan upat dah lo tiah Krik in “Maria cu hlanlai Christian pawl hrangah langsar zet in a thupi mi a si. Cumi ah a cekci mi a um. A ngaingai ih kan sim a sile America ah a tha lo mi ruahnak (nunau pawl in mipa vekin covo bangrep ding a si tiih zumnak an nei) feminism ruahnak kha remsal theinak ti daan pakhat cu Bawinu Maria lawng a si” tiah Chalie Kirk in a rak sim.
Kirk ih thu simnak ruangah thangthar tampi cu Biakinn lam ah an feh thu tuikum sungih Tucker Carlson tei thawn an reltlang mi interviews ah a rak sim mi asi.
Vice President JD Vance cu Catholic a si ih a mai X twitter ah Kirk cu “ Jesuh Khrih zumtu le duhtu” a si ih “zumnak hngetkhoh zet neitu a si” tiah a tarlang.
Winona- Rochester, Minnesota Diocese Bishop Robert Barron in a mai twitter ah a liamci kumli lai hrawngah Kirk thawn thaithawh kan ei tlangih Pathian thu kan rak rel tlang dah tiah a tarlang. Cuti ih thawithawh an ei tlang lai khal ah ramkhel lam thu hnak in a mai duh zet mi Pathian thu le Khrih ih thu kha a sim tam tiah a sim.
Kirk khal Minneapolis ih Catholic Biakinn ih meithal kahnak ruangih a thi tu pawl hrang hnemnak caanserh ah a rak tel a si. Kirk ih nunnak cemnak ruangah US President in Thantar a hrek lawng tar dingah thu a pek tiah kan thei asi.
Hi thuthang cu Catholic news agency in a tawi zawng le ramcang thei bik ih kan ngan mi a si.
