September 3, 2025

Pope Leo XIV ih October thla a tuah ding mi caanserh pawl theih ternak tuah.

September 3, 2025

Cardinal Robert Francis Prevost cu Pope Leo XIV dinhmun in a tuan nak thlali a luan thlang. Pope cu hi mi sungah Italy ah um in  ramtin ih biaknak lam, ramkhel , nunphung lam hotu pawl, pawlkom pawl cohlang in tonnak lawng a tuah lai.

Tui kum cu Jubilee kum a sivekin 2024 December 24 in 2025 January 6 tiang tuah ding mi a si.

A ralai ding mi October ah Pope cu ziang mi a tuah ding ti mi langsar in thei ternak an tuah a si. An theihter nak vekin October thla cu Pope hrangah hnatuan a tam ni a si ding. A sinan cu mi caanserh pawl cu Jubilee thawn pehpar mi lawng an si ih St.Peter tualrawn ah tuah ding mi an si.

1, October 5, zarhpi ni ah leitllun Pathian hnatuantu pawl le mivai pawl hrang Jubilee cu St.Peter tualrawn ah zinglam Missa raithawinak a tuah ding asi.

2. October 9 ni tlawngkai ni li ni cu thukam pathum a latu pawl ( Siangbawi pawl, Sister pawl le Brother pawl) ih Jubilee Missa a tuah sak ding.

3. October 12 ni zarhpi ni khal cu Bawinu Maria ih nuntu ziaza a cawngtu zate Pawlkom pawl hrang Missa raithawinak a tuah sak ding a si.

4. October 19 ni  Zarhpi ni cu leitlun Pathian hnatuannak ni Mission Sunday ni a si ih cui ni ah Mithianghlim dinhmun ih kaisan ding mi minung pasarih pawl khaisannak caanserh a hmang ding. Cu mi pawl cu archbishop Ignatius Choukrallah Maloyan khal a tel ding. A amah cu Mardin ah minung cimit dingih thahnak ah 1915kum ih thudik ruangih that a rak tuartu America Martyr pakhat a si.

A dang pakhat cu Papua New Guinea ih Pathian thusimtu Saya Peter Torot a si. a nih khal 1945 kum ah thudik ruangah thahnak tuartu a si. Culai ah an ram nor in a uktu Japan thuneitu pawl in a mah kha Pathian thangtha sim an kham nan a sim thotho. A mah cu Papua New Guinea ih a hmaisa bik Martyr a si ding.

Mithianghlim ih khaisan ding mi sungah Sister 3 khal an tel. Cu mi pawl cu Vincenza Maria Poloni, khal a tel ding. A mah cu Maria del Monte Carmelo rendiles Martinez le Maria Troncatti an si.

Vincenza Maria Poloni cu Veronic sister kai rak dintu a si. Maria del Monte Carmelo rendiles Martinez khal Jesu ih riantuan tu Sister pawl a rak dintu a si. Maria Troncatti cu Sister pakhat a si ih a menmen mi a si. A mah cu mi a bawm ringring tu Maria Sister kai sungin a si.

Hi mi mithianghlim dinhmun ih khaisan ding mi sungah Catholic zum tu menmen pahnih an tel. Anmah pawl cu Jose Gregorio Hernandez Cisneros le Bartolo Longo an si. Venizwela ram in a si ih doctor pakhat a si. amah cu St.Francis ih nuntu zia thawn a nungcang tu a si. Farah harsa pawl ih sibawi ti khal an kawh mi a si. ziangah tile sumpai harsa tu pawl cu alak in a rak dam theu ruangah a si.

Cun Bartolo Longo cu Italy ram ah Bawinu Maria biakinn a rak sak tu a si. Bawinu Maria upat sunloih tuktu a si vekin Italy ram mi pawl khal in Pungpe Bawinu Maria ah feh in upat an pek theu nak hmun khal asi.

5. October 26 Zarhpi ni ah Pope cu Pawlpi ih sangsang ih a tel ih Synod pawlkom pawl ih Jubilee Missa cu St.Peter tual rawnah a tuah sak ding.

6. October 27 tlawngkai nikhat ni cu St.Peter Basilica Biakinn pi ah Rome khuasung ih Pope kut hnuai ih um mi University tlawngta pawl thwn Missa raithawinak a tuah dingih an mai fimzirkum a thawhnak a apsak ding asi tiah theih ternak an tuah a si. Hi mi thuthang cu Vatican thuthangin kan ngah mi a si.

Leave a Reply

Your email address will not be published. Required fields are marked *