Angelus thlacam hlan ah Pope Leo cun Gospel cathianghlim sungih siarmi vekin a fiakmi kotka in lut ding le a dikmi zumnak cu tawngkam le tuahnak pawlin nung dingin forhfialnak a nei.

Angelus thlacamnak sungah Pope Leo XIV cun Gospel sungih “a fiak mi kotka” timi thuhla a sim. Zesuh hnenih mi pakhat thusutnak a let sal ah mi melte lawng runnak a ngah ding a si a ti.

“a fiakmi sangka ihsin luh zuam uh; ziangahtile mi tampi in cuih sung luh cu an zuam rero ding nain an ti thei lo ding”

Pope cun hi thuhla parah thusutnak a tuah, “Pathian cu duhdawtnak le zangfahnak in Pa a si vekin kanmah pawl hmuak dingin in hngak ringring, ziangruangah Jesuh in rundamnak kotka cu a fiak a ti?

Pope in Pathian cu kanmah pawl beidong dingin in siang lo. Pope cun mah le mah zumawk luan ih rundamnak ka ngahzo tin ruattu pawl, biaknak lam daan pawl thluntu pawl mah le mah tha tin zumawktu pawl conak a nei.

Cuvek minung pawl cu Pope Leo cun minung ih thilung cu biaknak lam daan pawlin a thleng ter theilo timi fiangten an thei lo a si a ti. Pathian cun biaknak ihsin thenawk ih a nungmi minung pawl a hawl lo. Pathian cun minung pawl sumnak silole thlacamnak pawl cu u le nau duhdawtnak le thudik thuhman lam hruaitu an si lo ahcun a duh lo a si.

Hithu ruangah Pope cun minung pawl Bawipa hmaiah dingin thleidang nun nung tu pawl, “amah thawn ei le in  tlangih a mah zirhmi ngai pawl’ a hawisan ding asi.

Zarpini Gospel thuthangtha cun a mawimi conak in pek a si “kanmah pawl a caan caan ah zumnak thawn a hlat tu pawl thuthennak kan tuah laiah, Jesuh in zumtupawl sinak a co asi. Khristian zirnak thei asilo le Misa raithawinak tel, a thu lawng ih zum in a tawk lo a si.

Zumnak cu kan nun pumhlum in a si lawngah a dikmi ah a cang asi ‘ Jesuh khrih ih tuah vekin, Kan hril mi a hrampi a cang tikah, thiltha tuah dingih nunau le mipa duhdawtnak ih in hruai tikah, a dikmi zumnak a si.

Jesuh in lamzin awl a zawh lo vekin, kanmah khal hi conak cu kan hril a tul maih hrang lawng ruatnak cu do kalh in, midang hrang pumpek in, thatlonak in a neh lai caan khalah thatnak thawn kan tuah a tul a si.

A harsatnak zet nan, hi lamzin kan hril a sile, Pope cun nuntharnak kan hmu ding, Pathian thilung sungah lutin vancung ram nuamnak kan hmu ding tin a sim a si.

Pope cun in bawmtu dingah kan Nu Mary kan sawm pei, Gospel sungih a fiak mi kotka raltha zet in lut dingah, Pathian ih a kau zetmi duhdawtnak sungah ka upawk theinak dingin tiin a net nakah a sim a si.

Hi thuthang cu Vatican thuthang in kan don mi a si.