August 22, 2025
Prime Video ih “House of David” David dinhmun ih lemcang tu Catholic biaknak ah lut.
August 22, 2025
Prime Video ah hminthang series ah “House of David” ah David dinhmun in a thupi bikin lemcangtu dinhmun in a teltu lemcan thiam Michael Iskander in a mah cu Catholic biaknak ah a luh thu August 21 ni ah rak sim.
Tui ni cu a sunglawi ih a lamdang zet mi ni a si. Tuini ah Catholic biaknak ah ka lut ngah zo tiah a mai Instagram ah a rak ngan. Hi biakinn ah I ko tu ih aw ka theinak a rei zo ih hi kawhnak aw cu a tak in a cang suak tiah a rak sim.
Hi lamtluanah tampi I rak bawmtu mangbangza minung pawl thawn kan tongaw. Cu mi cu a netnak a si lo, a thawknak lawng a si. Pathian thawn lamtluan ka feh tikah ka hrangah thla in cam sak. Tuini ah lungrual thatho ten tha in pek cio ruangah ka lunawi.
Kum 23 a si mi Iskander in interview tampi ah veikhat hman ka cang thei lo ding tin ka ruat dah lo, David Siangpahrang tuah dingah ruahsannak ka nei tiah a rak sim. A mah in Broadway ih hmuntampi ih a telnak ah hminthang mi Isreal ih Siangpahrang thu hram bun in series pakhat a suak ding ti mi ka rak thei cia.
Ahmaisabik lemcannak tuah nak theh ah Iskander a si lo ding tiah daiten an um theh. A sinan zarhkhat hnih a reihnuah tuahhnik dingah kawhnak a rak ngah. A veihnihnak tuah sinnak ah Iskander cu a nu in rawlul in thlacamnak tuah dingah ruahnak a rak pe. Cuihnu thla hnih a rei ah hi lemcannak ah a thupi bik dinhmun in pek a rak si.
Iskander in Naomi Raine thawn thurel tlangnak interview sung khal ah “ Pathian in aw ringzet silo in dimten thu mi a sim theitu a si. daiten aw kha rak hngak aw tin sim mi vekin ka rak thei. ka hrangah na si ding tin in sim duh lo. Pathian cu a mai duhnak tuah dingah a si ih a mai duhnak kha thlun dingah a duh a si.
Bible ca a sunloih thu, Pathian ih tongkam vekin David ih a ziaza le a thinlung kha mangsal thei dingah Saam hla le Samuel Cathianghlim ka siar ringring. Hi mi cu a mai tikcu ah a lungput hmuh duhnak ah a si tiah CAN interviews ah a rak sim.
House of David ti mi cu Wonder Project studio in a suah mi asi ih zumnak hrambun mi thu pawl le manhla zetin a zohtu mipi pawl hrangah suah mi a si. An tuah mi lemcannak ih a hmaisabik thu kha Prime Video ah a hleice in an tarlang ih leitlun pumpi ah minung 40 million in an zoh ih hleiah America ram ah Prime Video ah a pakhatnak ngah tu khal a si.
“House of David” thu ih lemcannak ih a hmunhnihnak cu a turalai ding mi thlatang ah Wonder Project in cazin pe in a hmaisabik ah a thlah ding a si. Cuitlunah Prime Video hmangtu pawl zate hrangah neta ah zoh a thei ding a si tiah Catholic news Agency ih tarlang mi sungin a tawi zawng le famkim thei bik in kan tarlang mi a si. kan page le website ah like le share nak in in bawmtu zate parah Pathian thlasuahnak um sin hram seh.
