Pope Leo XIV cun minung pawl karlak rualpi sinak meeting a vei 46th nakih teltu pawl hnenah ramdaihnak cu nitin kan cangvaihnak in cangmi a si. Digital inhernak cun conak le tihnungza a phunphun tiding theilo tin Pope cun ralrinnak in pek a si.
Pope XIV cun meeting tel tu pawl cu, remdaihnak tuahtu si dingin, ruahsannak khatmi, thiltha tuahtu si dingin thapeknak a nei. Cuih thuhla cu Vatican secretary of state, Cardinal Pietro Parolin in tlawngkai nili ni ah a suah a si.
Kum 1980 ihsin kum tin, minung pawl karlak rualpi sinak Meeting cu Italy thlanglam tipi khua, Rimini khuapi ah August thlacem lamah tuah a si. Tuih kum hrang thulu cu “hmunruak pawlah kanmah in tlakrawh thar pawl thawn kan sak sal ding” ti a si.
Pope cun meeting timtuah tu pawl, volunteer pawl le meeting teltu pawl hmuahhmuah cu a thinlung takin cibai a buk a si. ‘Insaktu pawlin santlailo tiin a hnonmi lungto cu a thahnem bikmi lungto ah a cangzo’ timi cingin ruahsannak ah beidong loding tin a sim.
Nelrawm ramah cun nunnak hrangah a cang thei lo ih ziang khal an suak thei lo tiin Pope cun fiang zet in a sim.
Pope cun pawlkom hmuahhmuah cu remdaihnak hmun si ter ding a duh thu a sim. Huatawknak umnak hmun cu thurel tlangnak, diknak in tuan le ngaithiamnak thawn kilkhawi ding a si. Remdaihnak cu thinlung duhnak men si lo in nitin kan cangvai nak, kan tuan mi pawl a si.
Hi ngaihdan hmangin Pope cun mi hmuahhmuah cu hmin thar le tidan thar kan pek ding tin forhfil nak a nei, cu cun zumnak, ruahsannak le zangfahnak cu nuphung mawi le tha ah a thleng thei a si.
A nung Pathian rian dingin Pope cun in kohhmuh asi. Kanmah pawl thatlonak ih ka ngah mi hlawknak pawl kan hlawn a tul. Pope cu tulai thangthar ih thangso zetmi technology pawl ralrinnak in pek. Hi thuthang cu vatican thuthang in a tawizawng ih kan ngan mi a si.
