US Pawlpi in Hiroshima le Nagasaki ah remdaihnak hrang khawm zawh tum.
United States Pawlpi in Japan ih Atomic Bom puahnak kum 80 kim hngilh lonak ah Hiroshima le Nagasaki ah remdaihnak hrangah khawm zawh nak an nei tum.
1945 kum August 9 ni ah Nagasaki le August 6 ni ah Hiroshima ah atomic bomb puaknak 2025 ah kum 80 a kim thlang. Hi thil cang hngilh lo nak ah United State ih Catholic Church in hi khuapi pahnih ah August 4 in 11 tiang tlawnnak an nei ding tiah an sim. Hi mi ah American Catholic Universities in University professor pawl, employees le tlangta pawl an tel dingih archbishop of Chicago in Cardinal Cupich, Washington DC in Cardinal McElroy, Seattle, Bishop Etienne le Santa Fe, Archbishop Eester in an thlun ding. Cun Latin America ih Pontifical commission in Emilce Cuda khal khawmzawh nakah a tel ding tin an sim.
Hi khawmzawhnak cu ruahsannak khualtlawngtu pawl ih Jubilee kum sungah Pope Francis ih sawmnak ah “mansalnak, feh tlangnak le humhimnak ti mi thuluu thawn tuah mi a si.
Tumtah mi cu remdaihnak, lungrualnak le Pacific ramkulh hmunhma tha lonak, a karh mi thentheknak, le nuclear ih thuneihnak kha napi in a kartertu pawl karlakah remdaihnak, lungrualnak le Pacific ramkulh hrangah rualremnak hrang pakhat le pakhat biakawknak thlacamnak dinsuah dingah a si. Hi mi thuthang cu Vatican thuthangin a tawizawngin kan leh mi a si.
