Pope Leo XIV cun Gaza khua Holy Family Catholic Parish ih um pawl cu Israel  ralkap pawl ih donak ruangah mi pahnih an nunnak a liam ih, mi tampi hriamhma besiazet an tuar ruangah telegram ah ca a kuat.

Pope Leo XIV cun Gaza-ah Holy Family Catholic parish, ralkap pawl in an do hnuah “tu rori ih doawknak cawl” ding in simthannak a nei sal.

Vatican Secretary of State aiawh Cardinal Pietro Parolin- ih ngan mi telegram-ah cun Pope cun doawknak ih nunnak liam tu pawl le hriamhma tuar pawl a tuar pi thu a sim asi.

Pope cun doawknak sungih hriamhma tuartu Puithiam Fr. Gabriel Romanelli le parish sung um mi hmuahhmuah a thinlung  sungin a tuarpi zet thu khal a sim.

Pope cun nunnak liam pawl ih thlarau cu “Ziangkimtithei Pathian ih duhdawt zangfahnak” hnenah a sum, hriamhma tuar pawl hrang khal an damsalnak dingin thlacam saknak a nei.

Neta bikah cun remdaihnak le doawknak cawl dingin sim thannak a nei sal  “Hi hmun ramah thurelkhawmnak, remnak hngetzet um ding a ruahsan thu” a sim.

Minung 60,200 luan (Palestinians 58,313 and Israelis 1,983) cu Gaza doawknak ruangah an thih thu Gaza harhdamnak lam tuanvo neitu pawl in simthannak an nei.

Hi thuthang cu Vatican thuthang in kan don mi asi.