Leitlun huap Pi le Pu pawl ih puai ni cu Jesuh ih Pi le Pu puaini a si mi mithianghlim Anne le Joachim te ih puai ni thawn a naih bik zarh pi ah tuah theu a si ih cuih ni ah Pope Leo in “Ruahsannak le Kumtar lam” timi thuhla a sim.

July ni 27 ni ah tuah ding mi Pi le Pu pawl ih Jubilee puai hrang ah Pope Leo ih cangan mi ah “Ruahsannak cu lungawinak hrampi a si ih, ziangtik kum reipi hnu khal ah, Ruahsannak cu meisa ih urkangmi a si ih, cumi cun lungawinak thukzet a si ti a langfiangter” tiah a ti.

Cathianghlim sung ih kan hmuh mi Abaraham, Sarah, Zechariah, Elizabeth leh Moses pawl tla cu Pa Pathian ih rundamnak ah tel ding in kum upa pi an si hnuah kawh nak an ngah mi kha ruat tha ding ah in sawm.

Himi Jubilee kan tuah nak in ruahsannak cu lungawinak hrampi a si ti le ziangtik kum reipi hnu khal ah, “Ruahsannak cu meisa ih urkangmi a si ih, cumi cun lungawinak thukzet a si ti a langfiangter.” Kum upa cu ruahsannak a lang ter.

Rundamnak thuanthu Cathianghlim sung kan hmuh thei mi cu Pathian ih mitah “kum tar tiang nun cu thluasuah hmuifu a si ih ruahsannak lang ter tu an si.  Nu pawl pi le leilung pi kan zoh tik ah kum upa pawl cu mino pawl ih bomnak an ṭul hmanah, mi no pawl ih theihhrih lo mi pawl theihpitu an si ih, “Hmailam hrangah fimnak” an neih theinak dingah a bawm tu a si.

Kum upa pawl ih “ro sunglawi” cu zumfeknak, pumpek awknak, zatlang nun ṭhatnak, khawtlang hnaṭuan tivek pawl an si ih Pope in a sim bet mi cu, “Lungawinak hrampi thakhoh nak a si” tiah a ti. Kum upa si cu  thlawsuahnak le zaangfahnak ngah caan a si ih  cuih kum upa pawl hi ruahsannak hmasabik langter tu pawl an si tiah Pathian in in hmu fiang ter a si tiah a ti.

Pope Leo in kum upa pawl khal ah ruahsannak a neih a tul tiah a sim. Jubilee kum cu zalennak caan ti a si ih kum upa pawl bawm dingah a hleice in khuaruah har le dungtunnak a tong tu pawl bawm ding ah forh fial nak a nei a si.

Pope in a tu santhar ah kum u pa pawl cu mi ih zangfahnak tla an tong lo ih hlei ah mi ih hnon an si theu tiah a ti. Himi dinhmunah, “Kawhhran in ṭuanvo neih theinak, thleng danglam awknak a tul ngai ngai ,” tiah a simfiang.

Biaknaksung ih Parish hmuahhmuah cu kum upa pawl bawm dingih kawh an si, “Hngilh a tongtu pawl hrangah beiseinak le a hleice in kum upa pawl bawm cio ding in in forhfial a si.”

Pope Francis ih lungduhnak a si mi pa khat cu mah te lawng nung mi kum u pa pawl leh Rome ih ra thei lo mi kum u pa pawl khal hi Jubilee kum ah indulgences ngah ding in a rak duh sak a si. 

Pope Leo cun kum upa pawl hnenah ruahsannak nei dingin forhfialnak a nei. Kum upa hmanah mi hmuahhmuah duhdawtnak le thlacamsak nak an nei thei tiah a sim.

“Duhdawtnak kan neih mi cu ziamral lo in thazang a cak ter saltu le ruahsannak in pe ter tu sawn si dingah” Pope Leo in a sim.

Zalennak kan nei ih ziangvek harsatnak hman in in long thei lo. Cuih zalen nak cu mi va duhdawtnak le thlacam sak nak a si. Zokhal duhdawtnak le thlacamnak kan nei thei a si.”

Himi “Ruahsannak ih hmuhsaknak” cun “Ralṭhatnak in pe ih, “Kan sunglam nun nak a thar in kan ngah a si ti in theih ter sal a si.

 “A hleice in kan kum a hung upat tikah, Bawipa hnen rinsannak thawn hmailam ah feh uhsi, nitin thlacamnak le Biakkhawmnak hmangin tharthawhnak kan ngah ding,” tiah Pope in a sim.

Cule, “Kum tampi sung kan nun pi mi zumnak karhzai ter uhsi,” tiah a ti. Cule Pathian kan thangṭhat ringring ding ih, mipi thawn pumkhat in nung tlang uh si. Pope Leo cun, “Kan nih cu kum ziangzat kan sih khal ah ruahsannak lang ter tu kan si ding” tiah a net nak ah a sim.