Jubilee puai cu a cuangce in kum upa Puithiam pawl, brother le sister pawl hrangah St. Francis Xavier Sister tlawng ah kum 2025 July (6) zinglam nazi 6:00  ah an tuah asi.

            Jubilee Missa rai thawinak cu a hlan Pawlpi sung hnatuan zo tu parah lungawinak leh an mah theisal nak hrangah Pathein Bishop, Henry Eikhlein in a tuah a si.

            Missa rai thawinak ah Bishop Henry in kum 2025 Jubilee cu a phunphun in kan tuah ih Puithiam pawl, Pathian hrang pumpe tu pawl le insungsang hrang kan tuah a si.

            Tuni ah Pathian hnatuan tu kan upat mi kum upa Puithiam pawl, Brother le sister pawl Pathian hrang hna an tuannak, an pumpeknak pawl  kum zabi 21 ah kan tuanpeh a tul asi.

            Bishop Henry  in (Luke 10:1-12,17-20) thawn pehpar in “Kan Bawipa Jesu in rawl khawmtu ding hrang hnatuan tu a kawh thu le a hlan Pathian hnatuan tu pawl parah lungawinak le a tu nonawn pawl khal in pek zawm ih kan tuan ding in duh thu le Pathian hnatuan cu kumkhua a si ih cawlhnak in a cem lo.  Kan ruangpum caklo hman sehla thlacamnak thawn Pawlpi  hrang hna kan tuan thei ti mithianghlim Theresa nun ah kan hmu  thei” tin a sim a si.

            St. Francis Xavier Congregation hotu Mother Ann Theresa nih tla Bishop le a cuangce in kum 90 le 93 kim zo mi sister te pahnih parah lungawi thu a sim ih hleiah an nunkhua sau hram tiah a thlacam sak thu khal a sim a si.

Himi thuthang cu RVA Pwo-Karen Service ihsin kan don mi asi.