July 7, 2025
Pope Leo XIV cu a mai caan hman ding daan sungih thannak bangin July thla pum cu Pope pawl ih an colhnk theu a si mi Castel Gabdolfo ah kan dung nihinh laiah a thleng zo. Pope a tlen veten hmuak dingah a rak poktu mipi tampi cu nazi pahnih duh in an rak tlar theh zo. Cuitlun ah Castal Gandolfo ih khuapi uktu khal hi hmuahnak tuahnak ah a mah rori a rak tel ve.
Pope cu July 6 ni zarhpi sun zanlam nazi 5:00pm ah a thleng a si. Hi mi thal ih colhnak in cu Rome khuapi in 25 km peng 23 lawng a hlatnak hmun a si. Pope cu July 6-20 tiang hi hmunah a cawl ding a si.
Pope a thlen ding ti thuthang a um vekin vibai a buk duhtu zumtu pawl kilhim tu police pawl, Pope thuthangla dingah media hnatuan pawl, khua mipi pawl, ramleng ih mikhual le innsang hrekkhat pawl cu tim cia in an rak thleng. Cuitlun ah sister pawl khal an tel.
Mipi pawl cu “ Pope kan lo hmuak”ti ih ngan mi canah an keng ih a Sister pawl in Rosary thlacam phah in an rak hngak. Hiti an rak hmuak laiah Pope cu Motow thawn a lut ih mipi pawl in kut zabeng in hlasaknak thawn an rak hmuak.
Pope in a hmaisabik ah thlasuah peknak a nei ih kum upa pawl cibai buknak a nei. Kum upa pawl lakih nunau Conchita ti kawh mi Spain nunau pakhat a um. A mah cu Zaragoza in a si ih Rome ih tlawng duaktu a si. cu mi pitar cu Pope ih kut cibai a buk ah ah “Pope ka lo duhdawt tuk” tiah lungawi zet in a rak sim. Hi mi biakinn pi ah a ra lai ding mi July 13 ni ah Pope in Missa raithawinak a tuah ding.
Hi mi thuthang cu Vatican thuthang in a tawi zawngin kan ngan mi a si.
