Diamond Jubilee (Kulzam Khua)
Petrus Hmung Thuan ih thuanthu
(Falam Peng, Kulzam khuaih Catholic hmaisabik)
Petrus Hmung Thuan cu 11/11/1930 ah Falam peng, Kulzam khua ah a suakih Pu No Hlur le Pi Con Tial te ih fapa pathumnak a si. 1944 ah Saya Ruben a thleng. 1950 kum ah Catholic pawlpi ah hmin cazin an pek. Biakinn cu 1950 ah amahih hmun rori ah dii thawn 20’x16’ an sak. Biakinn saktu pawl cu :Pa Hmung Thuan, Pa Zom Khup, Zal Cuai, Tlen Cong, Len Tlir, Tlen Kap le Thuan Hngel tla an si. Catholic pawlpi ah an lut zo nain baptism an ngah hrih lo.
Damlo thu ruangah amah hnakin Markus Len Tlir (19/4/1953) le Petrus Kap Hluan (21/2/1955) pawlin baptism an lak hmaisa. Petrus Hmung Thuan cu Rev. Fr. Joseph Muffat kut ihsin 27/11/1955 ah Baptism a ngah. Amah thawn Baptism a ngahtu pawl cu Maria No Tling, Martha Thang Za Tling, Marcus Thawng Piang, Joseph Tlen Kap, Emilia Kar Hngel, Joanes Ral Piang, Rita No Nuam, Andrea Maang Zal, Augusta Duh Tlung, Nocholas No Khup, Francisca Rah Con, Theresa Tlung Cuai, Joanes Siah Tlung, Matthew Khuah Cuai, Paulus Piang Zam, Agnes Nuam Cong, Cecilia Hrang Tlung, Margareta Hlawn Cum, Celesta Nuam Tluai, Lucas Dawl Thang, Arthur Rul Ling Sang, Catherine Nei Cuai tla ansi.
Petrus Hmung Thuan cu Maria No Tling thawn fanau 12, tuu le tuusin 124 an nei. Amah in 25/10/2012 ah a biakmi a Pathian hnenah in cawl san a si.
