Tedim myo ih Myoma Catholic biakinn pi ceiling a tlak ih minung hliam um lo.(August 13, 2024)

August 13 ni zing nazi 12 hrawngah Tedim khuapi ih um mi Myoma Catholic biakinn pi ceiling a tlak tiah cui biakinn ih facebook ah tarlang nak in theih a si.

Biakinn thuam le a tlang hrekkhat pawl cu cerek in a rak ngah dah tiah an sim. ceiling khal a rit tuk ruangah screw pawl khal in a rak tuar thei lo khal a si thei, ruahti a zun ruangah a rit tla si thei ruangah a tlak nak a si tiah an zum. Minung um lo caan zaan ih tla a si ruangah minung cu siatsuah aw an um lo. St.Joseph zuk a tlak ih a luu a tan. Bawinu Maria zuk cu pulpit lam ih ret a si ruangah zianghman a cang lo. Tu lai cu Novena tuah lai tak a ni 5 nak ni khal a si.  Bawinu Maria zuk tlun in ceiling a tlak nan Bawinu Maria zuk a tlak lo mi hi lamdang an ti zet tiah  theih a si.

Tu ah zianghman tuah a si hrih lo ih a tanglai mi khal bal dingin ruah nak an nei.

Ram that lo lai tak a si vekin tuikum sungah tuah sal thei ding cu zum a si lo. A sinan bawmnak hmun khatkhat in kan ngah ah cun kan tuah thei ding a si.  Kan biakinn hi vek in a si hman ah thinnau lo in Bawipai hmin thangthat ding kan zuam tlang pei tiah Assumption of Our Lady Church Tedim page ah an tarlang.