Ninaveh ah Christian Police Officer pawl tam deuh in khawlkhawm dingah tumtah.
2025 January 26, 2025 ni ih Iraq Prime Minister Mohammed Shia al -Sudani in Nineveh ih tuanvo neitu Police (Palic) pawl hnen Christian pawl hmunkhat ten kil veng ding thu a rak than ih Christian mi Palic pawl kha humhimnak thu hla ah lungrual dingah kan dung kum ah thapek nak a rak tuah. Hi mi thilti nak cu a hlan ah Christian pawl hnen zirnak le Palic tuan dingah sawmnak pawl khal a rak tuah zo.
ISIS in Christian pawl um tambiknak Ninaveh hawrkuam kha 2014 kumah an rak longih Mosul cu a mai caliphate ti kawh mi khuapi dinhmunah a rak tuah ih Christian innsang zaleng lo pawl kha Kurdistan hmun ram ah an thawn ter ih a hleice in ISIS ruahnak luar pawl ih tuahmawhnak in humhim nak hlawl dingah Biaknak lam ih mimal sawn pawl a rak dodar.
Humhimnak lam ih Palic pawl ah ram mi pawl sungih Khristian tel in miphun lungrualnak le thudik kaisang dingah Sudani zungin thupit in a rak sim. Iraqi ih Christian kiangkap ah kan dung kum kum 10 sungah siatsuahnak tampi an rak tuar.
2023 ah America hoha mi donak theh ah miphun tuah siatnak pawl ruangah minung tampi an tlan ih ISIS ih 2014 donak pawl cu mimal sawn kha nasa zet in an rak tuahmawh. 2022 kum tiangah Iraq ah Christian mipum 300000 hnak ih mal lawng an tang tiah Erbil’s Chaldean Archbishop Barshar Matti Warda in a sim. Hi mi thuthang cu SW thuthang in kan don mi asi.
