Nigeria ram Anambra ah Sister pahnih kaih tong. (Jan 09, 2025)
Nigeria ram Anambra ah, kaih a tongtu Nigeria ram mi Nigeria Catholic Sister pahnih, Sr. Vincentia Maria Nwankwo le Sr. Grace Mariette Okoli tei cu zo ti theih lo mi hriamkai bu pawl in January 7 ni zaanlam ah Anambra State ah kaih an rak tong. Ogboji ah pumcawmnak lam thawn pehpar mi thurel tlangnak in an tlun hnu Ufuma lamzin tluan ah an kai ih an hruai mi a si. Sr. Nwankwo cu Ufuma ih Archbishop Charles Heerey Memorial Model Secondary School ah zirhtu a si.
Kai an tonnak parah IHM secretary ih nau nu Maria Sobenna Ikeotuonye in the Sister of the Immaculate Heart of Mary, Mother of Christ aiawh in simfiangnak thusunnak a rak nei. Kaih a tongtu pawl ih sungkhat pawl hnen khal ah zianghman pehthlainak a um lo nan Sister pawl an him theinak dingah thlacamnak thawn bawm cio dingah Saya pawl le kawhhranpi zaten forhfialnak an rak nei.
Anambra State ih Police pawl kom pawl in cui thilcang kha an ngamhnget ih Sister pawl run dingah komkhawm in tuah dingah an tuah thok tiah thei a si. Hi mi thuthang cu shalom world news in kan ngah mi a si. Kan thuthang a rak siartu zate parah lungawi nak tampi kan nei.
