December 15 ni ah Pope Francis ih a vei 47nak a mai ramleng khualtawnnak cu Ile de beaute ti ih mi thei tam mi Corsica ah a feh dingih Tifinriat ih mi uar zet mi Biaknak lam Conference ah a tel ding; France Tikulh ih Puithiam pawl le zumtu pawl a ton hlan ah Mettingah a tel ding a si.
Pope Francis ih khual tlawnnak cu December ni 15 ah ile de beaute tin mi theih tam mi Napoleon ih suahnak a si mi Corsica ah thingkung pawl, tipi kap tluan, Tlang pawl thawn kulh mi zoh nuam zet mi view pawl, minung kut ih tuah cop mi kiangkap pawl, tihnung zet mi view pawl thawn a khat mi asi.
Hi mi cu Pope Francis ih a vei 47nak a Tuukhal khual tlawnnak a si. Semtember ah Asia Nisuahnak tlanglam ih ni 12 sung a tlawnnak thawn tahthim cun France President Emmanuel Marcon thawn minutes 40 rei hmaiton in tonnak an nei ding a si.
1952 lai ah Angelo Roncalli cu Parish ah nuncio dinhmun ih a rak tlawngih neta ah cun Pope John Paul XXIII ih a rak rungcang tu a si ih a hmaisabik a rak tlawngtu Pope a si.
St. John Paul XXIII ih a Tuukhal khual tlawnnak cu Vatican Press Office ih Director Matteo Bruni in Pope Francis ih ramleng khual tlawnnak ah a tel theu tu ih tuah theu mi metting ah thuthang latu pawl thawn an tonawaknakah mangsal in a rak sim.
Pope ih a khualtlawnnak ah a thupibik in thu tlang pathum a um ih Napoleon suahnak hmun a si mi Ajacco ah nazi pakhat le hrek a rei dingih Zarhte ni Rome tikcu caan zing nazi 7:45am ah Fiumicino Air-port in a pok ding a si.
Pope hmuahnak ah France ram ih Minister of the interior (ramsung hrang Minister) le Europe le ramdang pehtlai tu Palai pawl in an hmuak dingih mino pali in pangpar thawn an hmuak ding a si. Rampi hla, ralkap upat sunloihnak, aiawhtu pawl hlannak, Minister pawl thawn a dangten tonnak caanserh an neih hnuah Pope cu a khualtlawnnak a cawl dingih Conference hrangah Palais des Congress et d Exposition d’Ajaccio ah onnak caanserh a hmang ding.
Hi mi Pope ih a khual tlawnnak ah a hmaisabik Palais Hall ah thusimnak a nei dingih Bruni in Tifinriat ih harsatnak pawl a karh sinsin thei thu a sim ding. A lenglamih Phawtkiar (balloons) rong phunkim thlah tu ding mino hrek khat pawl cibai buknak a nei ding.
Cuihnu ah Pope cu santa Maria Assunta ih Renaissance Cathedral Biakinn pi ah neta bik a feh dingih Puithiam pawl, religious pawl, pumpe in riantuan tu pawl, Puithiam tlawngta pawl thawn tonnak caanserh a hmang ding a si.
Tour-de-force, Bishop umnak hmun ah zanlam nazi 2:45 pm tiang a um ding ih cuihnu ah Pope cu U Casone ti kawh mi Pangpar hmuanpi a si mi Place d’ Austerlitz ih a feh laiah mipi pawl in lamtluanah an rak hmuak ding a si. Thuanthu ih an simnak ah cui inn pi hlun cu Napoleon nauhak lai ih a rak lehnak a si.
Hi hmun cu Pope ih Missa raithawinak a tuahnak ding hmun a si ih zumtu minung 7000 hrawng an tel ding tiah an hisap. Pope Francis in Island (Tikulh )ih a mai khual tlawn a cemnak a nai tlang vekin lungawi thu simnak khal a nei ding tiah an sim.
Netabik zanlam 5:30 hrawngah France President a si mi Marcon thawn a hlan ih sim cia vekin a dangren Air port ah tonawknak an nei ding. Tui tum ah rampi ih tuanvo neitu pawl thawn thurel tlangnak nei dingah tawlrelnak a um lo tiah an sim.
Corsica in zanlam nazi 5 pm in a pok sal dingih Rome ih Fiumicino Air-port ah nazi 7:05 pm ah a thleng ding a si. Hi mi thuthang cu Vaticanthuthang in a tawizawng in kan ngan mi a si.
