France ram, Parish khuappi ih Notre Dame Cathedral Biakinn pi cu December 7-8 tiang Official in onnak caanserh hman a si dingih Biakinn ih Darkhing pawl tum in America khal in France ram ih caanserh ah an tel ding asi. Washington ih Immaculate Conception Biakinn pi khal in sunhnu nazi 2 ah Darkhing tum dingah cui hmun ih Biakinn pawl a rak sawm.
EST cu December 7 onnak caanserh thawn a rak tong aw. Hi caanserh cu Francis ram Parish khuapi ih Archbishop Laurent Ulrich in a hoha dingih France ram uktu President Emmanuel Macron, a nupi Jill Biden le hrilnak ngah tu President Donald Trump tel in ram ih upa pawl an tel ding a si.
2019 April 15 ni ih meisa kang nak ruangah nasa zetih a siat tu hminthang zet mi Cathedral Biakinn pi cu kum nga sungah sak sal a si ih Lung, Thing le kumthiam 1000 luan in an rak sak sal mi a si. Meisa kangnak ruangih a siat ral mi thuanthu ih tang mi Franch oak tree (thing) 1000 hrawng ih an sak sal mi a si.
2023, December ah Archbishop Ulrich in St. Denish le St. Genevieve tei ih an rothil, hling Lukhuh pawl a ret ih a sunglamah Maimop parah Sui Arcang a ret. Cathedral Biakinn pi ih a tumbik mi organ, a sau bik mi pipes 8000 le Stop 109, mesa ih siatsuah mi pawl khal an rem sal. Hi mi thu cu SW thuthang in kan don mi a si.
