St.Peter tualrawn ih Pope ih tlawngkai nithum ni mipi a tonnak a netnakah Pope Francis in a hleice in Ukraine le Holy Land ah ralbuainak ruangih harsat tongtu zaten hrangah remdaihnak le lungrualnak a um theinak ding hrangah a thar in thinlung takin zaangfah a rak dil.

Israel le Hezbollah karlak ah doawknak a colh theinak dingah rak dil.

Nasa zet ih harsat tuartu Ukraine mipi pawl hngilh hlah uh si. Mipi pawl nasa tak ih harsat tuar rero tu Holy Land le Palestine le Isreal pawl khal remdaihnak an ngah theinak ding thlacam tlang uh si. Remdaihnak hrangah bangran ten thlacam uh si.

Poland in khawmzawhtu pawl cibai a buknak ah Pope in Ukraine ih harsat tuar pawl bawm tlangnak in mitin hnenah zaangfah lainatnak hnatuan le remdaihnak a tuahtu pawl si thei dingah a rak forhfial.

Ukraine ah energy tuahnak Innpi parih  Russia ih siatsuahnak tuletu a can hnuah minung tampi cu khua hlumter nak um nawn lo in a dai zet mi thlatang an tuar a si.

Ralbuainak le harsatnak tampi ruangah riahsia beidong in umtu pawl kan leilungpi ah Pathian ih in pek mi kan nunram in Pathain ih thuthangtha lungawinak thawn than tlang uh si.

Pope in ahleice in Ukraine nauhak pawl le mino pawl hrangah thlacam sak ding hngilh hlah uh si tiah cui hmun ih a teltu Italian nauhak burkhat pawl a rak sawm.

“Adaizet mi thlatang caanah a hlum (meisa) peknak um lo in a tu caan ih harsat tuar rero tu nauhak pawl kha ruat hnik uh” tiah Pope in a rak sim. Hi mi ththang cu Vatican thuthang in kan don mi a si.