Langter duh lo mi thu pawl ruangah Pontifical Commission ih President a si mi Cardinal Kevin Farrell cu World Youth Day (WYD) hmin sinnak pawl a si mi WYD Cross le Bawinu Maria zuk a si mi Salus Populi Romani pawl ap nak ding tikcu cu caan a rak than.
Tuah daan kelvekin 2023 kum thal caan ih Leitlun huap mino pawl puai tuah nak a si mi Lisbon ih mino pawl cu 2024 kum November 24 ni Christ the King Puai ah Seoul mino pawl hnen Leitlun mino puai hminsinnak pawl an rak kuat. Cuihnu ah Korea mino pawl cu 1984 kum ah Pope St.John Paul II ih laksawng pek mi WYD Cross (Thinglamtah) cu khuapi pawl le khuate lam tiang, hnon tuar mi pawl hnemnak pek dingah an vehvai dingih Korea ih hlan lai Pathian riantuan tu pawl ih rak zuamnak pawl thangter dingah a si.
WYD Cross cu WYD 2027 hrangih timtuah nak hrangah a dang Asian ram pawl le Thlang Korea ram ih khawmzawhnak an thawh hlan Rome khuapi ih kum 2000 lai in khawmzawh nak ih hminsinnak a si mi Mary Salus Populi Romani hminsinnak in a thlun ding a si. Cu mi cu Asia ram ah a veihnihnakah a cang ding a si.1995 ah Manila Khuapi ah tuah a si ih Christian mimal sawn a si mi a hmaisabik ramah tuah a si. Hi mi thuthang cu SW thuthang in kan ngah mi a si.
