November 20, 2024 tlawngkai nithum ni St.Peter tualrawn ih amai mipi a tonnak sungah  Pope Francis in  Italy mino a si mi Blessed Pier Giorgio Frassati cu July 28 in August 3, 2025 tiang tuah ding mi mino Jubilee puai sungah Mithianghlim dinhmun ih khaisang dingah a rak than. Cuitlunah Leitlun thiamnak ( tech- savvy )  lam ih thiamsang a si mi tleirawl Blessed Carlo Acutis khal  April 25-27 , 2025 thla  sungih tuah ding mi Jubilee of Teenagers puai ah mithianghlim ah khaisan a si ding tiah a rak sim. Hi mi thuthang cu SW thuthang in kan don mi a si. Thuthang in rak ngai sak tu zate parah lungawinak tampi kan nei.