Galilee ram Kanan khuapi ih dungthluntu Mithianghlim Simon cu Jew miphun pawl ih daan pawl hrangah a thinlung tha khoh nak ruangah a hmin cu Simon hnu ah Zealot tiah hmin pek mi a si.

           Zealot ruah nak lawng a zum tu pawl cu Judea ram ah Rome miphun pawl luh nak hmun lak nak cu dodal dingih din mi Biaknak le ramkhel lam thawn pehpar mi pawlkom a si.

           An mah cu ngunkhuai paisa pek nak an el ih Rome miphun pawl dodal an duh. Simon khal Bawi Jesuh ih a kawh hlan ah cui party sungtel pakhat a si ding a bang.

           Thiang Thlarau Puai theh ah Mithianghlim Simon cu Pasia ram ah Pathian Thuthangtha a rak phuang ih cui ram ah Pathian thu ruangah thah a rak tuar.

           Ruahsannak a neih nawn lo caan ih mi a bawm tu Mithianghlim Jude cu Dungthluntu nauta deuh Jeim thawn unau an si.

Mithianghlim John 14:22-23 sungih kan hmuh vek in a mah cu netabik zaanriah ei nak Puai ah Bawi Jesuh kha “Bawipa leitlun mipawl hnenah lang lo in kan hnenah ziang tin na lang thei” tiih rak sut tu a si.

Jesuh in “Kei mah I duh tu in ka tong a ngai ding. Ka Pa in cu mi cu a duhdawt ding. Kan nih khal a hnenah kan um ding,” tiah a rak sim.

           A mah cu Cathianghlim sungah, “Mithianghlim Juda” tiih theih mi cakuat pakhat cu leitlunhuap thawn pehpar mi Pawlpi ah a rak ngan. Mithianghlim Jude a si lo le Mithianghlim Juda Thaddeus cu Persia ram ah Pathian hrangah thah a rak tuar.