Antioch khua ih St.Peter lungkua biakinn cu leitlun ih a rei bik mi Biakinn dinhmun in ngamhnget asi.Asunglam cu a menmen te a si ih a sungah lung thawng tuah mi pulpit pakhat le St.Peter zuk pakhat lawng a um. An rak sak nak kum cu a cekci in theih a si lo nan  St.Peter ih a hmaisabik Pathian thu a rak zirhnak hmun ti ih ruah a si ih a tui lungkua sak daan cu Christian kha  Rome Siangpahrang ih biaknak a si hnuah biakinn dinhmun in an rak thleng  mi a si.

Ahleice in st.Peter cu a hmaisabik Pope sinak ih ngamhngetnak ruangah St.Peter Biakinn cu Catholic zumnak thansonak ah a thupi bik mi thutlang ah a rak tel. Biakinn cu a thuklam 13 meter, a kauhlam 9.5 meter le a sanlam meter 7 a si mi lungkua pakhat ah a si. 1963 kumah Pope Paul VI in cui hmun cu khawmzawhnak hmun tiah  a rak ngamhnget asi. Catholic Biakinn cu June 29 ni ah kum tin tuah theu mi St.Peter Puaini ah ramsung ramleng in kumtin an feh ih cuihmun ih feh dingah minung thawngzaleng lo feh dingah a hip thei a si.  Hi thuthang cu SW news in kan don mi a si.