2024 kum leitlun huap mission hnatuan karhzainak ni hrang ih ruah ding mi Bible catlang ah Pope Francis in ” za lamzin le tonawknak hmun pawl ah feh in mai ton mi minung pawl thawn an hnen ah mo puai ah rak sawm uh ( Mt 22:9) catlang kha a rak hril.
“Feh in mo puai ah sawm uh” Siangpahrang ih a sim mi cu Mission ih a duhsan mi a langter tu ttong fang pahnih kha Pope Francis in thupit in a rak ruat ter. Cui ttong fangah feh dingah le sawm dingah tiah tiduhsan mi ttongfang pahnih a si.
Pope Francis in hi ttongfang pakhat ciarah kahtlang in a rak ruat. Mission ti mi cu a hlo mi Tuu kha hawl dingin a feh mi Tuukhal Jesuh vekin tuah hi a si. Tiduhsan cu Pathian thawn thongaw in a mah thawn nelaw thei dingah nunau, mipa pawl sawm dingah thatho le lungawi ten feh a si tiah kahtlang in a rak sim a si.
Siangpahrang ih sim mi pakhat cu sawmnak ti mi khal Pope Francis in Pathian ih pek mi Mission ih a thupi mi then khat kha hi tawkah kan hmu thei a si tiah a rak sim. Riantuan tu in Siangpahrang ih sawmnak kha zamrang ten upat tihzahnak thawn an thlun ih thu an thei ter tiah a sim. Tuisan ih Khrihtian pawl khal in cu vekih tuah a tul a si. Mai sungih a um mi Thiangthlarau Pathian in a par, a rah pawl a si mi lungawinak, thatnak, zaangfah lainatnak pawl thawn Pathian thuthangtha kha sim dingah sawm kan si thu Pope in a rak zirh.
Mopuai ih rawldonak ah Pope in mopuai ih kawhnak ti mi ttongfang cu mission kha a danglam zawng ih langternak pahnih a si mi kumkhua in tuah ding mi (eschatological) Pathian Tuufa ih rawldonak puai a tu ih (Eucharist) duhdawtnak puai pi kha in mang ter a si.
Siangpahrang ih timtuah mi rawldo puai in vancung ih rawldo puai kha ai a awh vekin Pathian ram a famkim mi ruundamnak ih thlam a si thu Pope in a rak sim.
Hlanlai Christian tampi cu Khrih ih ratsal nak ding a nai zo thu an rak zum ruangah cui Khrihtian pawl in Pathian hnatuan kha an tha a tho zet ih Pathian thuthangtha karhzai ternak thu kha a thupi tuk in an rak ruat ih thupi zet in an rak tuan.
Atui kan san khal ah “Pathiang thuthangtha karhzainak kha kilkhawi in khaisang dingah a thupi tuk tiah Pope ih thupit in a rak sim. cu mi ah Pope in kumkhua nunnak ( neh hnu san) ih mopuai kha a tuisan ah Missa raithawinak ah tel in khawmnak thawn kaihkhing theih a si thu khal a rak sim. Cuti kan ti a sile kumkhua nunnak ah timtuah in rawl do nak ah Tuu fa ih mopuai sawmnak ah tel thei dingah kan Pathian thuthangtha simnak in minung pawl kha a rak sawmnak cu Pa Pathian in a minung pawl hnen nunnak petu Pathian ih ttongkam thawn Bawipai thi le sa in in pek mi Sangreu puai ah sawm nak thawn a peh par aw a si.
Pope ih thusimnak neta lam ah a sawmnak kha mitin hrangah tumtah a si thu ruahnak ah a rak telh. Hi mi cu mission ih thinlung a si kan ti thei tiah thupit in a rak sim ih minung zate kan ti tikah minung pakhat in ziang vek thuanthu a rak nei ih, ziangvek in a rak um, ziangtin a rak nung ti mi kha a thupi tuk cu a si lo. Khrih ih dungthlun tu pawl in ziangvek minung khal an rak hrelh lo ih minung zaten an thu sungah thleng thei dingah an rak zuam ih an rak zirh. An mai nunphung lole nuntu zia, si daan pawl khal thlei dang lo in cu mi pawl hrangah an rak phan sak theu tiah sawhkhih in a rak sim.
Thuanthu tah thimnakah siangpahrangin a riantuan tu pawl hnenah an hmuh mi poh farah, mitcaw le beunak neilo tu pawl ngaihsak dingah a rak sim. Pope Francis in minung zate hrangah Mission hnatuannak cu kan zate ih pekawknak a tul thu a sim ih a rak zirh. Hi thu hi kan ruah tikah Synodality ti mi mission tuannak parah bun in khat le khat mission riantuannak a ringringin Synodality thawn khat in nun tlang a tul thu Pope Francis in sim in a rak zirh a si.
