RVA Falam Service/ October 20, 2026.
Mission Sunday October 18,2026 hlanah Vatican thuthang agency
Fides in a suahnak ah 2026 kum Catholic Pawlpi (Kawhhran pi) thawn pehpar mi cazin an tarlangnak vek a sile leitlun Catholic biaknak mipum1.422 billion tiang a rak thang.
An tarlangnakah Major Seminarians (Siangbawibtlawngkai tu) mi pum an mal thu ngamhnget a si.
Pawlpi ih mipum cazin kom ih a lang mi cu leitlun mipum le Catholic mipum cu 2024 June 30 tiangih hmuh mi a si.
Continent pawl sungah cun Africa ah Catholic mipum tambik tthannak hmun a si. Cuihleiah Sister pawl le a sangdeuh mi Major seminarians Puithiam cannak tlawng pawl khal ah mipum a tthang mi Continent pakhat a si. America continent ah Catholic mipum tan 6992000 an tthangih a pahnihnak Catholic mipum thannak hmun a si. Cuihnuah Asia continent ting 968000 mipum an tthang ih Europe ah 911, 000 mipum le Oceania in 239.000 mipum a thang a si.
Khatlamah America continent cu Catholic mipum tambiknak continent pi tiah pehbet in a um ih mipum 678869,000 an um. Cu mi cu America continent ih mipum zatek 64 hrawng an si. Africa continent ah Catholic mipum 288312000 an um ih Europe continent a lan ih a pahnihnak mipum tamnak ah a thleng. Europe Continent ah mipum 287240000, Asia Continent ah 156,166,000 mipum le Oceania hmun lamah 11, 557, 000 mipum an um thu an tarlang a si.
Puithiam pawl khal an zaten 407,421 thiang an tthangih a hlan cazin thawn kan zoh a sile 425 mipum an tthang asi. Africa Continent ah Puithiam mipum 1676 tiang an tthan ruangah a tam bik a tthangso tiah namnget a si. Asia Continent ah 1065 mipum le America ah Puithiam mipum 199 an tthang a si. A sinan Europe Continent ah Puithiam mipum 2483 le Oceania ah 32 mipum in an mal thu cazin an tuahnak ah an langter a si.
Source – Shalom World News
