Minung pawl thathnemnak pe tu tikcu/nikhua

Tikcucaan pawl cun minung pawl thathnak a pek ih. Minung zate thawn a pehpar aw mi a si ih, sersiam tu Pathian in minung zate hrangah a timcia mi a si. Leitlunhuap dinhmun in kan zoh a sile, tikcu caan hi minung pawl nunkhawsak nak ding hrang ah a tulbik mi dinhmun tam pi thawn pehzom aw mi a hnaihnok zet mi system (cin le dan) pa khat a si.

Tikpan lam mifim tam sawn ih lungkimnak thawn an thlir dan vek ih an nemhnget mi ah, kan ni cu kumkhatsung tikcu caan a herawknak sung ah nasa zet in khuasa kan tuar tiah an sim. A luanzo mi kum 10 sung ah hin nikhuasa thawn, tipi thuanthum tlangtluan ah ti cu catlo in a kai/thang rero, nikhua/tikcu besia zet ( thlipi huk le tilian) khal a rak um phah ringring. Hivek tikcu sia pawl cu tikpan mi fim pawl ih tah dan le sim dan vek in khal a si theih cawk lo.

Tikcu satnak kham thei ding ah, silole tikcu satnak a roh sinsin ter tu minung pawl ruangih a ra suak mi pawl khamthei ding hi a tul. Cu cu minung pawl in thil le ri hman dan le suahdan pawl kha a thleng dan thiam ding hi a tul a si.

Minung pawl ih khamthei lo mi a dang thuhla pawl khal cu an um veko ti khal kan sim ngam. Thuthimnak ah meisa puak (volcano), leilung pi ni ih a vel dan lamzin pawl le leilung pi hi a kel in a um nawn lo ti pawl an si.

A sinan Tikpan lam thiam hliakhlai tu pawl ih an sim dan vek cun minung pawl ih tuah mi, cetzung lam ihsin tam pi an suah mi methane datkhu(Carbon dioxide le a dang datkhu phun phun) ruang ah tu nai te kum hra sung ah tikcu sa a roh sinsin nak a si tiah an sim.

Hi datkhu pawl cu thlisung ah an um vivo ih, leilung pi in, ni ih tleunak a hun eng sal mi satnak cun, cui datkhu pawl kha a thek aw darh ter thei lo. Hihnak ih a zual deuh mi cu, leitlunhuap ih kan hman mi meisa hlumnak(lawngsa si) hi a si. A dang pakhat cu thlaicii cin nak ding ah tiih thingkung hau mi le leilung kha a dang thilri tuahnak ih an hman tam tuk ruang ah a si.

Hi mi cu Laudato Si cauk sung ihsin kan leh sal mi si

Laudato Si’ no 23