RVA Falam Service/ October 16, 2026
Leitlun mino pawl ni (World Youth Day) 2027 cu Thlang Korea ram, Soeul khuapi ah 2027 August 3-8 tiang tuah a si ding ruangah puai ih tel dingajh tim a tuah tu mino khawmzawhtu pawl hrangah app (Pilgrim App) pakhat kha puai timtuahtu pawl in a ngah zo thu phongnak an rak nei.
Souel khuapi Leitlun mino pawl ni 2027 tuahnaklam commity (Local Organizing Committee) pawl in Archbishop Peter Chung Soon-taick ih hohanak in a cui app cu Korea ram ih feh hlan tik cu caan le Korea ram sungih um caan pawl ah Khawmzawhtu pawl hrangih a tul zet mi a ngaingi in a cang mi thuhla pawl, thlarau lam thawn pehpar mi thuhla pawl le khawmzawh nak thawn pehpar mi thuhla cipciar pawl kha hmun khatah a tuah khawm sal a si.
A cui app cu Apple App Store le Google Play ihsin Korea ttong le English in hman a theih zo a si. Neta ah Sapain le Italy ttong pawl khal in bet a si ding a si.
A tu ah App cu a langin WYD 2027 tiah hmin pek a si ih hmang ringring ding mi hmin cu Leitlun hmuntin in tel thei mi hmin pek zuamawknak ihsin hril a si leh ding a si.
App on a si veten ” raltha zetin Souel khuapi ah ra thleng uh. Hmunkhat ten feh tlang ding mi khawmzawh khual tlawnnak” ti mi ttongfangin a rak hmuak.
Cuihleiah Leitlun mino pawl puai 2027 tiang a tang lai mi ni pawl khal a lang ter a si.
App ah khawmzawhtu pawl hrang tuanten timtuah nak thawn pehpar mi thuhla pakhat khal a tel.
Cui thuhla ah khawmzawhtu pawl ih hman ding mi thilri pawl, khualtlawn daan thuhla pawl, Korea ttongih cibaibuknak pawl le khualtlawnnak ih mai puantom pawl thuhla khal a rak sim fiang.
Cuihleiah July thla le August thla sung Korea ram ih nikhua dinhmun, a bek nak le nisa daan pawl, rin lo pi ih a sur thei mi ruah, innsungih Aircon hman daan le taiphone um daan theih ternak pawl khal telh in ret a si.
Hi app cu leitlun huap mino pawl ni 2027 ih a fehtu ding mino pawl hrang khualtlawnnak timtuahnak pawl a ol ter lawng silo in khawnzawhnak khual tlaennak sungah a tul mi thlarau lam le a tul mi pawl khal a ngah ter thei a si.
Source- Vatican news
October 13, 2026
