RVA Falam Service/ October 16, 2026

Pakistan ram Peshawar khuapi ah, tlawngkai ni li ni (October 15ni) ah Al- Khair private tlawng inn pi luanglu a cim ih, a mal bik nauhak 35 cu an nunnak a cem ih, minung 50 hrawng in hliamhma an ngah.

Hi a thi tu le hliamhma a ngah tu pawl hi nauhak kum 6 le 12 karlak pawl an si. A upa pa bik hi kum 14 a si. Saya pakhat khal a tel ve. Siizung tuanvo nei tu upa pa pawl in hnatuan bawm tu an tul thu le mi hrekkhat cu thinphang tlak in an besia tiah a ti.

(Emergency services) Poihruak bawmtu lam ih thusim tu pa in, luanglu ih a cim mi pawl an zaten kan run ngah thei ih a siat mi pawl khal kan thianfai sak theh. Hi luanglu a cim laifang ah phun 2 le phun 3 khan ih nauhak pawl le an saya pawl tla an um tin The Associated press hnenah a sim. Minaa phur tu mawtaw le mi vanduai bawm tu mi 100 hrawng cu reilo te ah an thleng ih an ra bawm. Minung 40 hrawng ih nunnak a humhim thei.

Hitivek ih inn cim le siat hi Pakistan ah tu le tu a cang theu tin an sim. Inn sak tu pawl in a tul danvek in thilri an hmang lo. Ziang vek in thil a cang theiti tla ziang hman ah an siar duh lo.

Islamabad ih president le Prime minister khal cun an riahsiatnak thu an tar lang. Cun nasa tak in hi thu khal hliakhlai nak tuah ding in an fial.

Hi thuthang cu Vatican news ihsin kan lak sin mi a si.