RVA Falam Service/ October 15, 2026
Pope Leo cu nithum ni zinglam an khuai theh hnu ih a thi sit mi le a awm/tang X-ray an tuah mi pawl khal a tha ih, punghman ten a tha vivo tinak a si tin Vatican zung ih tuanvo nei tu in a sim.
Pope Leo an khuai theh hnu, October 14 ni sunhnu ah, Gemelli Siizung ih siilam tuanvo neitu pawl le a khuai tu Dr. Luigi Carbone le Professor Stefano Margarita te pawl in an zumdan vek ciah in Pope Leo ih umdan zia cu a tha vivo tin an sim tiah Vatican zung ihsin thu an than zo.
“Pope Leo cu thawthawtnak lam ih a tul dan vek in zoh a si ih, a khan sung te ah nuam teten kal/feh tla a tuah rero thei. Nidang vek in zing rawl le suncaw khal a ei thei” tiah an sim. Nehhnuah, Vatican zung ih director Matteo Bruni cun thuthang latu pawl hnen ah, Pope Leo cu a hrang ih a khan dang te an tuah sak mi Siizung a that/dot 10 nak ah Missa raithawinak tla a tel pi thei tin a sim.
Source: Vatican news
Photo Credit: Vatican News
