RVA Falam Service/ October 14, 2026
Pope Leo XIV ih cuap in lak mi bol cu Cancer a si thu Vatican in a namhnget.
Pope ih harhdamnak thawn pehpar in Dr. Luigi Carbone le Professor Stefano Margaritora tei in netabik an suah mi asizinkhansa ah a cuap ih vorhlam hnuaiah video- technique bomnak hmangin an a bol mi an rak hlon thu theih a si.
An khuai lai ih an hmuh mi ah lung adenocarcinoma ti kawh mi cuap cancer a si thu an rak namhnget thei.
Pope cu khuainak khan sungah a zaten nazi pathum hrawng a rei ih an khuai lai ngaingai cu minutes 90 hrawng a rak rei.
Siibawi pawl ih an namhngetnak ah an khuainak cu an theh ih zianghman buainak dang a um lo thu theih a si.
An khuai hnu ah Pope cu a mahkel ten a thangharh sal ih malte sung an check hnuah siizung innpi ih sawng hrat (10) nak a mai umnak khan ah a thleng thei sal tiah an sim.
Uruguay ramih a tuukhal khual tlawnnak a fiang hrih lo.
Pope ih harhdamnak thawn pehpar in netabik a cang mi dinhmun ruangah Uruguay ram ih a fehnak ding khualtlawnnak cu a fiang hrih lo thu theih a si.
Montevideokhuapi ih Cardinal Daniel Sturla in Uruguay ram ih Pawlpi cu Pope ih khualtlawn thei le theilo dinhmun thawn pehpar in Pope zung ih thuthannak kan hngak tiah a rak sim.
2026 October 6-17 tiang Uruguay, Agentina le Peru ram pawl ah tlawng dingih timtuahnak khal Siibawi pawlih ruahnak peknak parah a bun aw ding thu theih a si.
Kan Pope damnak a ngah thei salnak dingah thlaza cam tlang uh si.
Hi mi thuthang cu Shalom world news in kan ngan mi a si.
Crd: Shalom world news
