RVA Falam Service/ October 13, 2026
Africa ih Djibouti le Arabian tifirian ih um Yemen ram ih Bab al – Mandeb ti kulh kan tum ih feh mivai pawl ih to mi Lawng siasuahawknak ruang ah mi 130 an thi ih mi 80 hrawng an hlo tin Vatican News in a tar lang.
October ni 10 ni ih Djibouti tikap kiang ih um tu mivai pawl 300 hnak ih tam phur tu Lawng a pil ruang ah a mal bik nauhak tel in minung 139 an thi. Minung 82 cu an him.
IOM (International Organization for Migration) ih Zarhpini sun ih an tar mi thuthang ah, hi mi lam zin in a feh tu Lawng pi siatsuahawknak lak ah tuitum hi mithi a tam bik tin an sim.
Djibouti ih tuanvo nei tu pawl in tisung ih pil tu pawl an phum sak mi lawng hmin an khum sak tiah IOM in a rel. Cu lo a dang pawl cu mivai pawl an mah ten an phum awk ruang ah thunei tu upa pawl in an cekfel thei hrih lo ruang ah minung ziangzat an si ti an sim fiang thei lo.
Djibouti ih IOM tuanvo nei tu upa Alexandre Coissac cun, AP thuthang la tu hnen ah ralbuai lak ih mi thi pawl phum vek in hmin ngan lo in phum an si. “an zaten nu le pa an nei. ziang tin a rak cang ti ziang tik hman ah kan thei thei lo” tin a sim. Lawng a feh hnu rei lo te ah hitin a cannak hi “Lawng par ah minung an tamtuk ruang ah a si” tiah a ti.
IOM Director – General Amy Pope cun, “himi hnak ih humhimnak lam zin a um lo ti an zum ruang ah hi tiveh ih Lawngsung ih an luhnak a si” tiah a riahsiat nak thu a sim. Hmai lam ah hi vek a can lo nak ding ah Acozah lam upa pawl le bawmtu pawl hnen ah hmalak nak nei ding in a dil.
Himi thuthang cu Vatican thuthang ihsin kan ngan mi a si.
(Source AP and IOM)
October 12, 2026
Crd: Vatican News
