RVA Falam Service/ October 6, 2026
2027 kumah Rome khuapi siatsuah a rak tuarnak kum 500 kim hngilh lonak tuah a si dingih (Sack of Rome) Pope kilhim tu Pontifical Swiss Guard) in hngilh lonak caanserh hrangah timtiah rero a si. Hngilh lonak kum kim ni hrangih thuluu cu ” a hmun mi man pawl, rin umnak, rinhngetnak, tuah thiam theinak le lungrualnak” an si.
1527 kum Rome khuapi siatsuah tuarnak
1527 kum May 6 niah Pope Clement VII humhim dingah Pope ih Swiss Guard ralkap pawl cu a lamdang hleice mi ral thatnak pawl thawn an tuanvo an tuan.
Hi thilcang ah Swiss Guard minung 147 in an nunnak a cem ih a tang mi ralkap 42 in Pope kha humhim in Castel Sant’Angelo ah an hruai ih an rak run.
Swiss Guard ih Buhmu Gyi Christoph Graf in 1527 kum Rome khuapi siatsuah tuarnak cu kan thuanthuah a thupi zet mi thilcang lakah pakhat a si.
“Hi mi hngilh lonak kum in kan hmai ih ralkap pawl ih nunnak liamnak duhnak thawn rimumnak kha in mang ter sal. Cu rualrual in cui caan ih manhlat zia pawl kha tui ni tiang a um ih Pope hrangah rian a tuan tu ralkap pawl ih tuanvo khal langter a si thu hmuh ka duh tiah a rak sim.
Hngilh lonak timtuahnak pawl kha 2027 January 24 ni ah Swizaland ram Brig khuapi ah thuanthu lam ah fimthiamnak nei mi pawl tel in thurelnak an thok ding a si.
Cui thureltlangnak puai thawn 1527 kum ih thilcang pawl thawn pehpar in ramkhel, raldonak le biaknak lam dinhmun pawl , cui thilcang ih a suak mi hleiah mansalnak, tuanvo laknak le thuanthu thawn pehpar mi cauk khal suah a si ding. April 16- 19 tiang Swiss Guard pawl cu Zurich’s Spring Festival
Sechseläuten puai an tel ding a si. Cu mi puai ih sin Zurich khuapi le 1527 kum Rome khuapi thilcang lakah Swiss Guard a rak hoha tu Kaspar Röist tei ih thuanthu thawn pehpar mi khal na lang ter ding a si.
Vatican ih a thupi bik mi hngilh lonak puai pawl.
Hngilh lonal caanserh pawl ih a thupi bik mi ah 2027 May 5-7 tiang Vatican ah tuah a si ding.
Timtuahnak ah zaanlam thlacamnal (Vespers) nunnak liamtu pawl (Swiss Guar) hnen hngilh lonak khanlung onnak. St.Peter Biakinn pi ah a thianghlim mi Missa raithawinak, St.Peter tualrawn ah Swiss Guard thar pawl thukam laknak, Swiss ih lemcang thiam Gerry Hofstetter ih thiamnak hmuhnak, Pawlpi, ramkhel khuavel, mipi pawlkom pawl le Swiss ralkap pawl ih innsang sungtel pawl tel mi a dang caanserh pawl a tel ding a si.
Swiszaland ah khawmzawhnak.
2027 Septembet 4 ah Swiss ralkap ih khawmzawhnak cu Swizaland ram Einsiedeln khuapi ah tuah a si ding. Biaknak lam caanserh pawl hlei ah hngilh lonak hrangih video zuk mi video khal a hmaisabiknak leitlun hmun tinah an langter ding ih a dang khal a tel ding a si.
Swiss Gurd ralkap in cui hngilh lonal cu thuanthu ih thilcamg pakhat lawng si lo in kum zabi tluanah Swiss Guard ih riantuan nak kha a man hlat zia le uniform hru in tuanvo a rak latu pawl khal tumtah in a rak sim. Cui hleiah tuisan Swiss guard ralkapbih thuhla levtuanvo laknak thei ter dingah, Vatican ah riantuan dingah Swiszaland mino pawl kha tha pe dingah le Swizaland ram le Swiss Guard pawlkom lakah kum zabi tluan ih a rak um mi pehparnak le a lian ih a thupi mi tuah daan pael langsar ter ding khalah tumtah a si.
Hi mi thuthang cu Vatican thuthangin kan ngan mi a si.
Crd: Vatican News
