2027 Thlang Korea ram Seoul khuapi ah tuah ding mi leitlun huap mino pawl puai ni (World Youth Day – Seoul 2027) ih timtuah tu pawlkom in ramtin ih pumpek hnatuan tu dil a theih thu an rak sim.
Leitlun hmuntin in a teltu ding tampi an ra ding tiah ruahsannak an neih vekin hnatuan nak phunkim ah a bawmtu ding volunteers pawl a tul thu an sawm nak ah an tarlang.
Dilnak thanlut tu pawl cu a hnuailam ih thiamnak pawl thawn a kaih a tul a si.
Leitlun huap mino pawl ni ih tumtah mi le a man neih nak pawl upat in thlun ding a si.
Tuanvo laknak, rinumnak le duhsaknak thawn riantuan dingah thukam neih a tul.
Ram, ttong, mino, biaknak thu le zumnak bangaw lo tu pawl thawn khal tha zetin pehtlaih pawlkom in bangran ten tuah theitu a si ding.
Pek mi tuanvo pawl kha English lole Korea ttongin theitu a si ding.
Maituanvo lak mi kha tui dinhmun le santiluan ih zir in tha ten a thei thiamtu a si dingih tuanvo lak mi hnatuan kha thei fiangtu a si a tul.
A diltu pawl cu 2007 lole cui hlan ah suak mi a si ding.
Cui tlunah 2026 kum hrekin 2027 August thla tiang tuan ding mi tukcucaan karlakah Korea ramah um theitu a si ding.
Apaih tu pawl cu 2026 October 1 ihsin thokin (Volunteer Registration System) tiang dil theih a si.
Mi an kawh mi a kim hlan lo dilnak ca pawl an cohlang ding a si.
Hi mi thuthang cu Shalom world news in kan ngan mi a si.
